प्रधानमन्त्री देउवा ओ राज्यमन्त्री रैका बीच भेटवार्ता

पहुरा समाचारदाता
धनगढी, ७ भदौ । नेपाली काँग्रेसके सभापति एवं प्रधानमन्त्री शेरबहादुर देउवा ओ सुदूरपश्चिम प्रदेशके सामाजिक विकास राज्यमन्त्री टेकबहादुर रैका बीच प्रधानमन्त्री निवास बालुवाटारमे भेटवार्ता हुइल बा ।

भेटके क्रममे राज्यमन्त्री रैका प्रधानमन्त्री देउवाहे सुदूरपश्चिम प्रदेश सरकारके नीति तथा कार्यक्रम, विकास योजना, बजेटबारेमे जानकारी करैले रहैं । ओस्टेके राज्यमन्त्री रैका प्रधानमन्त्री देउवा समक्ष अप्नेहुक्रे सुदूरपश्चिमके शिक्षा ओ स्वास्थ्य क्षेत्रके विकासहे विशेष प्राथमिकता डेके काम करटि रहल बटैटि संघीय सरकारसे उ क्षेत्रमे थप सहयोगके लाग अनुरोध करले रहैं ।

प्रधानमन्त्री देउवा ओ राज्यमन्त्री रैका बीच आसन्न प्रदेश तथा प्रतिनिधि सभाके निर्वाचन ओ समसामयिक राजनैतिक घटना क्रमके बारेमे समेत छलफल हुइल रहे ।