नागरिक उन्मुक्ति पार्टीके कमिति गठन तीब्र
सागर कुस्मी
धनगढी, १५ भदौ । नागरिक उन्मुक्ति पार्टी अपन कमिटी गठन विस्तारहे तीब्र रुपमे डेले बा ।
जिल्लाके क्षेत्र नम्बर ३ कैलारी गाँउपालिका वडा नम्बर ५ बर्का पलिया गाँउमे टोल संयोजक अनिता चौधरीके संयोजकत्वमे ३१ सदस्य टोल समिति गठन करले बा । ओस्टेके, कैलारीके वडा नम्बर ३ खोनपुर गाउँ संयोजक रामकिशन चौधरीके संयोजकत्वमे २१ सदस्य टोल समिति गठन हुइल बा ।
कमिटी गठनके विस्तारमे वडा नम्बर ३ लालपुर गाउँमे फेन सीतादेवी चौधरीके संयोजकत्वमे २३ सदस्य टोल समिति गठन हुइल बा । यिहे वडाके सुर्मीनाला बजारमे अनितादेवी चौधरीके संयोजत्वकमे टोल समिति गठन हुइल पार्टी जनैले बा ।
पार्टी प्रवेश तथा प्रशिक्षण कार्यक्रममे पार्टीके केन्द्रीय सदस्य गंगा चौधरी, जहुर अली, चन्द्र चौधरी, दुःखीराम कठरिया, सन्तोष कठरिया, प्रदेश सदस्य भीष्म चौधरी, कैलारी गापाके संयोजक मिश्री कठरिया, गापाके सचिव मनोज चौधरीलगायत कार्यक्रममे सहभागी हुइल रहैं ।
