कांग्रेस खटाइल कैलालीके १३ पालिकामे प्रतिनिधि

पहुरा समाचारदाता
धनगढी, १६ भदौ । नेपाली कांग्रेस कैलालीसे १३ स्थानीय तहमे प्रतिनिधि खटैले बा । अगहन ४ गते हुइना प्रदेश तथा प्रतिनिधि सभाके निर्वाचनहे लक्षित करके पार्टीसे सुरु करल ‘जनताके साथमे कांग्रेस’ अभियानके लाग मातहातके पालिकामे प्रतिनिधि खटाइल हो ।

पार्टीसे धनगढी उपमहानगरपालिकामे महाधिवेशन प्रतिनिधी रोशन सिंह, टीकापुर नगरपालिकामे देवानन्द जैशी, भजनी नगरपालिकामे टेकेन्द्र धामी, लम्की चुहा नगरपालिकामे बमबहादुर बम, घोडाघोडी नगरपालिकामे रतन कठायत, गौरीगंगा नगरपालिकामे शुशील शाही ओ गोदावरी नगरपालिकामे प्रकाश जोशीहे खटैले बा ।

ओस्टेक, जानकी गाउँपालिकामे आनन्द हमाल, जोशीपुरमे गोकेन्द्र भण्डारी, कैलारीमे सन्तोष मुडभरी, बर्दगोरियामे अर्जुनबहादुर स्वाँर, मोहन्यालमे डिलबहादुर भाड ओ चुरेमे प्रेम भट्टहे खटाइल नेपाली कांग्रेस कैलालीके प्रचारप्रसार विभागके संयोजक तपेन्द्र भुषाल जानकारी डेलै । कांग्रेससे पहिल चरणअन्र्तगत कैलाली निर्वाचन क्षेत्र नम्बर १ से अभियानके शुभारम्भ करल रहे ।