लागु औषधसहिट २ जाने पक्राउ

पहुरा समाचारदाता
धनगढी, १६ भदौ । कैलालीमे लागु औषधसहित दुई जाने पक्राउ परल बटै ।

जिल्लाके अलग–अलग ठाउँसे लागु औषधसहित पक्राउ करल जिल्ला प्रहरी कार्यालय कैलालीके प्रवक्ता वेद प्रकाश जोशी बटैलै । पक्राउ परलमे कैलाली गौरीगंगा नगरपालिका वडा–१ माली बैठना बर्ष २० के सन्देश खड्का ओ भजनी नगरपालिका–१ बैठना बर्ष २८ के सुगन्ध बस्नेत रहल बटै ।

पक्राउ परल सन्देश खड्का लागु औषधके कारोबार करटी रहल बा कना विषेश सूचनाके आधारमे जिल्ला प्रहरी कार्यालयसे सादा पोशाकमे खटल प्रहरी टोली ओ ईलाका प्रहरी कार्यालय चौमालासे खटल प्रहरी टोली चेकजाँच करेबेर हुकान थेनसे लागु औषध (खैरो हेरोईन) पोका थान–३ उ पोका तौल करेबेर ६ ग्राम १०० मिलिग्राम लागु औषध (खैरो हेरोइन) ओ बिक्री वितरणके लाग तौल कैना तराजु थान–१ सहित फेला पारल रहे । खडकाहे नियन्त्रणमे लेके थप अनुसन्धान कार्य हुइटी रहल जनागिल बा ।

ओस्टेक ईलाका प्रहरी कार्यालय भजनीसे खटल प्रहरी टोली कैलालीके भजनी नगरपालिका– ३ कुसुमघाटमे सुगन्ध बस्नेतहे शंका लागके चेकजाँच करेबेर हुकानथेनसे लागु औषध (खैरो हेरोईन) ५ ग्राम फेलापारल प्रहरी जनैले बा । बस्नेतहे नियन्त्रणमे लेके आवश्यक कारवाहीके लाग ईलाका प्रहरी कार्यालय भजनीमे धारके थप अनुसन्धान कार्य हुइटी रहल बा ।