कटैनीके बाढसे छटकपुर बसन्ता डुबान

पहुरा समाचारदाता
धनगढी, १७ भदौ । कटैनी लडियामे आइल बाढसे कैलारी गाउँपालिका वडा नम्बर ७ छटकपुर बसन्ता गाउँ डुबान हुइल बा ।

बिफेक रात परल पानीसे कटैनी लडियामे बाढ आइल हो । बाढसे छटकपुर बसन्ताके ५० से ढिउर घर डुबानमे परल स्थानीय कैलारी गाउँपालिकाके प्रवक्ता तथा वडा नम्बर ७ के अध्यक्ष दिपेन्द्र बम जानकारी डेलै । ओस्टके बाढसे बर्का बसन्ता, भुँइयाँफाँटा, रामपुर गाउँके कुछ घर डुबानमे परल जनाइल बा ।

बाढसे वडा नम्बर ७ के वडा कार्यालय जैना डगरा फेन डुबान होके कार्यालय जैना फेन समस्या हुइल वडा अध्यक्ष बम जानकारी डेलै । उहोर कान्द्रा लडियामे आइल बाढसे भजनीके टमान ठाउँमे फेन डुबान हुइल जनाइल बा ।