कर्मचारी मिलन केन्द्र कैलालीके दुसरा साधारण सभा

पहुरा समाचारदाता
धनगढी,१८ भदौ । कर्मचारी मिलन केन्द्र कैलालीके दुसरा साधारण सभा गोदवारीमे सम्पन्न हुइल बा । साधारण सभासे खगेन्द्रराज शर्मा (कृषि ज्ञान)के अध्यक्षतामे ११ सदस्यीय नयाँ कार्य समिति चयन करले बा ।

ओस्टेक उपाध्यक्षमे डा.हेमराज अवस्थी (पशु अस्पताल), सूर्य नारायण मण्डल (विद्युत कार्यालय), सचिवमे प्रेमराज भट्ट (निर्वाचन कार्यालय), सह–सचिवमे शिवराज जोशी (जिल्ला प्रशासन) ओ कोषाध्यक्षमे चेतराज जोशी (गेटा मेडिकल कलेज) रहल बटै । ओस्टेक करके सदस्यमे एन्जील बस्नेत (खाद्य संस्थान), कृष्ण पुजारा (सशसत्र डिएसपी), धर्मराज खत्री (जोशीपूर गा.पा.), डा. प्रदीप मिश्र (सेती अस्पताल), सरोज चौधरी (जिल्ला हुलाक), पुष्कर नयौपाने (जिल्ला उप न्याधिवक्ता) रहल बटै ।

उहेसे आघे कैलाली जिल्लाके प्रमुख जिल्ला अधिकारी एवम कर्मचारी मिलन केन्द्रके संरक्षक किरण थापाके अध्यक्षतामे हुइल कार्यक्रममे सुदूरपश्चिम प्रदेशके प्रमुख सचिव नारायण प्रसाद शर्मा दुवाडी वडका पहुना रहिट ।

कार्यक्रमम मुख्य जिल्ला न्यायधिश माननीय ओमप्रशाद अर्याल, जिल्ला न्यायधिश माननीय केशवकुमार पाण्डे, जिल्ला न्यायधिश माननीय बिष्णुप्रसाद अवस्थी, सामाजिक विकाश मन्त्रालयके प्रदेश सचिव दीपक लामिछाने, मुख्य मन्त्री तथा मन्त्री परिषदके कार्यालयके प्रदेश सचिव रामहरी ज्ञवाली, आन्तरिक ममिला तथा कानून मन्त्रालयके प्रदेश सचिव कमलराज ढकाल, ओसिएमसी सूदूरपश्चिम प्रदेशके प्रदेश सचिव टुबराज पोख्रेलके विशेष उपस्थिति रहे ।