कैलारीके १०० दिनके उपलब्धीमे मालपोत समायोजनसे निःशुल्क रगत उपलब्धसम

पहुरा समाचारदाता
हसुलिया, २१ भदौ । कैलालीके कैलारी गाउँपालिकासे १०० दिनके उपलब्धी सार्वजनिक करले बा ।
गैल बैशाख ३० गते स्थानीय तह निर्वाचन सम्पन्न पश्चात निर्वाचित हुके कार्यभर सम्हारल १०० दिनके उपलब्धी मंगरके रोज एक कार्यक्रमके विच सार्वजनिक करल हो ।

गाउँपालिकाके अध्यक्ष राजसमझ चौधरी उपलब्धी विवरण सार्वजनिक करटी मालपोत समायोजनसे लेके रक्तसंचार केन्द्रसंगके सहकार्यमे कैलारी गाउँपालिकाके बासीहुकनहे निःशुल्क रगतके उपलब्ध करैनासम रहल बटैलै ।
उपलब्धी विवरणमे आ.व. २०७९÷८० के नीति तथा कार्यक्रम ओ बजेट तथा कार्यक्रम तर्जुमा, मालपोत दरमे समायोजन, सुत्केरीहे निःशुल्क एम्बुलेन्स गाउँपालिका बाहेर जिल्ला भिटर जन्मदर्ता प्रोत्साहन कार्यक्रम संचालन, नदी नियन्त्रण तथा तटबन्धनके कार्यक्रम संचालन, पुलहुकनके मर्मत सम्भार, कैलारी गाउँपालिकाके सडकके मर्मत सम्भार लक्कड, बन्दरगौह्री तथा सिमरानाके झोलुङे पुल निर्माण सम्पन्न करले बा ।

ओस्टेक १५ सैयाके अस्पताल निर्माणके लाग सम्झौता तथा योजना कार्यान्वयन प्रकृयामे, स्वास्थ्य शाखासे टमान स्वास्थ्य शिविर संचालन, धनगढी नेत्रालयसंगके सहकार्यमे आँखा शिविर संचालन, विपतपुरके आगलागी पिडितके घर निर्माणके लाग समन्वय (२२ घर), विपतपुरके आललागी पीडितहे निःशुल्क विद्युत मिटर जडान, गाउँपालिकाके समन्वयमे विपतपुरमे राहत वितरण (नगद तथा जिन्सी), शिवरत्नपुरके पुनस्र्थापनाके लाग समन्वय करल गाउँपालिका अध्यक्ष राजसमझ चौधरी बटैलै ।

ओस्टेक गाउँपालिकाके समन्वयमे शिवरत्नपुरमे राहत वितरण, पशु स्वास्थ्य शिविर संचालन, धानवालीके राहत वितरणके लाग समन्वय तथा सहजीकरण, वडा नं. ६ ओ ९ के कृषक समूहहे कृषि कार्यके लाग २५ ÷ २५ लाख अनुदान, पकेट कार्यक्रम संचालनके लाग वडा छनौट, संचालित कार्यक्रमके संघन अनुगमन, मेडपा कार्यक्रम अन्तंगत लक्षित वर्गहे तालिम संचालन करल उपलब्धी उहाँ सार्वजनिक करलै ।

गाउँपालिकासे मेडपा कार्यक्रम अन्र्तगत लक्षित वर्गहे बाख्रा तथा सामाग्री वितरण, सामाजिक सुरक्षा भत्ता वडासे वितरणके शुरुवात करल बा । जेष्ठ नागरिकसे सामाजिक सुरक्षा भत्ता लेहे बैंकमे जाई पर्ना बाध्यता रहे, अब्बे वडा कार्यालयसे सामाजिक सुरक्षा भत्ता पाईबेर खुशी हुइल बटै ।

सामाजिक सुरक्षा भत्ताके अध्यावधिक तथा नविकरण, कार्यालयके रंगरोगन तथा विद्युतीय उपकरण खरिद, वडा नं १ वडा कार्यालय भवन निर्माण प्रकृयामे आइल बा । ऐन, नियम, निर्देशिका तथा कार्यविधि निर्माण, घाटके ठेक्का व्यवस्थापन, नदी जन्य पदार्थ उत्खनके ठेक्का व्यवस्थापन, फेरसे प्रयोग हुइना पदार्थ (कवादी) के ठेक्का व्यवस्थापन, विद्युत काउण्टर स्थापनाके लाग समन्वय, मिनि रंगशाला तथा विपि पार्क डिपिआर निर्माण, बाल क्लव तथा सञ्जाल गठन तथा व्यवस्थापन सम्बन्धी अभिमुखीकरण, विद्यालयके संघन अनुगमन, विद्यालय भवन निर्माण, राष्ट्रपति शैक्षिक सुधार कार्यक्रम अन्र्तगत भवन माग, विद्यालय कर्मचारीके व्यवस्थापन, विद्यालय अनुदान व्यवस्थापनके लाग कार्यदल गठन, संघीय तथा प्रदेश सरकारसंगके समन्वयमे थप बजेट तथा कार्यक्रमके सुनिश्चिता करल बा ।

गाउँपालिकाके समन्वयमे १५४ जाने विपन्नहे निःशुल्क विद्युत मिटर वितरण, एफएओसंग कार्यक्रम संचालन सम्झौता, वडा छनौट, एफएओसंग सहकार्यमे १५५० घरघरीहे हिउँदे तरकारीके बिउ वितरण, एफएओसंग सहकार्यमे जडान कैना ३० ठो सिचाई टुवेलके लाग स्थान छनौट करल बा ।

सहास नेपालके कार्यक्रम छनौटके लाग वडा छनौट, निर्वाचित पदाधिकारीहुकनहे अभिमुखीकरण टमान तालिम गोष्ठीमे सहभागी, विपन्न तथा विपद पीडितहे राहत वितरण, कन्ट्रोल प्वाईन्ट स्थापनाके लाग ६ वडामे स्थान पहिचान प्रारम्भिक कार्य, विकास साझेदार तथा सरोकारवालासंग समन्वय तथा सहकार्य करल बा ।

ओस्टेक करके उपलब्धीमे टमान अभियान संचालन, बार्षिक समिक्षा तथा सार्वजनिक सुनुवाई, भु–उपयोग नीति कार्यान्वयनके लाग भूमिके वर्गिकरण, १२ औं जिल्ला स्तरीय राष्ट्रपति रनिङशिल्ड प्रतियोगितामे प्रथम स्थान हासिल युवाहुकनके नेतृत्व तथा व्यक्तित्व विकासके लाग खेलकदके कार्यक्रमके आयोजना, टमान समिति तथा कार्यदलके गठन तथा परिचालन, अनुग्रह चर्चके भवन निर्माण सम्पन्न ओ रक्तसंचार केन्द्रसंगके सहकार्यमे कैलारी गाउँपालिकाके वासीहे निःशुल्क रगतके उपलब्धता कराइल बा ।

गाउँपालिका अध्यक्ष राजसमझ चौधरी गाउँपालिकाबासीके हकहित सेवा प्रवाह ओ समग्र कैलारीके दिगो विकासके लाग सदैव चिन्तनशिल, प्रयन्तशिल रहना प्रतिवद्धता जनैलै । ओस्टेक उहाँ गाउँपालिकाके गतिविधि त्रैमासिक रुपमे सार्वजनिक कैना बटैलै ।

गाउँपालिका उपाध्यक्ष भगवतीकुमारी चौधरी मालपोत दरमे समायोजन करेबेर गाउँपालिकाके स्थानीय खुशी हुइल बटैली । उहाँ कहलै, ‘कैलारी गाउँपालिकाके बाढ, डुबानके समस्या भोग्टी रहल बा । किसानके खेतीपति बाढसे पुहाईबेर ओइने मारमे परल बटै ।’ पालिकासे आब बर्गिकरण करके मालपोत लेना उहाँ बटैली ।

गाउँपालिकाके प्रमुख प्रशासकीय अधिकृत विरबहादुर ऐर गाउँपालिकासे तीन महिनाके समयमे ढेर प्रगति करल बटैलै । गाउँपालिकाके १०० दिनके उपलब्धी सार्वजनिकीकरण कार्यक्रममे वडा अध्यक्ष, कार्यपालिका सदस्य, कर्मचारीहुकनके सहभागिता रहल रहे ।