भजनी नगरपालिकासे १०० दिनकेउपलब्धि सार्वजनिक
पहुरा समाचारदाता
धनगढी, २१ भदौ । भजनी नगरपालिकासे १०० दिनके उपलब्धि सार्वजनिक करले बा ।
मंगरके पत्रकार सम्मेलन कैटी नगर प्रमुख केवल चौधरी १०० दिनके उपलब्धि सार्वजनिक करल हुइट । उपलब्धि सार्वजनिक कैटी प्रमुख चौधरी कक्षा १ से ८ समके शिक्षा निःशुल्क करल, १ से ५ कक्षासमके स्थानीय पाठ्यक्रम तयार कैके लागु कैना चरणमे रहल, निजी श्रोतके शिक्षकहे तलब वृद्धि करल, विद्यालयहे कम्प्यूटर तथा प्रिन्टर बितरण करल जानकारी करैलै ।
एक सय दिनमे ४५ लाख, ४३ हजार ८६८ रुपैया आन्तिरक राजश्व संकलन करल ओ चालु आर्थिक बरसमे सम्पत्ति करके दररेटमे १६ प्रतिसत घटाके सेवाग्राहीहे सहुलियत डेहल बटैलै ।
घोडतालमे रहल विवाद समाधान, भजनी प्राथमिक स्वास्थ्य केन्द्रमा पोष्टमार्टम कैना भवनके निर्माण, खानेपानीके विस्तारसे सडक तथा पुल पुलेसा मर्मत तथा निर्माण करल फेन प्रमुख चौधरी जानकारी करैलै ।
कृषि शाखा अन्र्तगत मेयर नमुना कृषि गाउँ कार्यक्रम लागु, साना सिचाँई तथा मर्मत सम्भार कार्यक्रम ओ स्वरोजगार कार्यक्रम फेन सञ्चालन करल उहाँ जानकारी डेलै
