निर्माण व्यवसायी संघके २७ औं वार्षिक साधारण सभा

पहुरा समाचारदाता
धनगढी, २२ भदौ । निर्माण व्यवसायी संघ कैलालीके २७ औं वार्षिक साधारण सभा तथा ११ औं अधिवेशन बुधके रोज धनगढीमे सुरु हुइल बा ।

साधारण सभाके निर्माण व्यवसायी महासंघ केन्द्रीय अध्यक्ष रवि सिंह एक कार्यक्रमके बीच उद्घाटन करले रहैं । कार्यक्रम निर्माण व्यवसायी संघ कैलालीके अध्यक्ष यज्ञराज उपाध्यायके अध्यक्षतामे हुइल रहे । कार्यक्रममे संघके कार्यवाहक महासचिव विक्रम विष्ट निर्माण व्यवसायी संघ कैलालीके वार्षिक प्रतिवेदन प्रस्तुत करले रहैं ।

उ अवसरमे कार्यवाहक महासचिव विष्ट संघीय सरकार एवं प्रदेश सरकारसे निर्माण हुइना ऐन, कानून व्यवसायीमैत्री बनैना महासंघ ओ प्रदेश संघके महत्वपूर्ण भूमिका रहल बटैलैं । उहाँक अनुसार निर्माण व्यवसायी संघ कैलालीमे ७ सय २७ जनो निर्माण व्यवसायी संघमे आवद्ध रहल बटैं । संघमे क वर्गके ५, ख वर्गके ५, ग वर्गके ४५ ओ घ वर्गके ६ सय ७२ निर्माण व्यवसायी संघमे आवद्ध बटैं ।

उ अवसरमे समाजमे महत्वपूर्ण योगदान करल टमान व्यक्तित्वहुकनहे सम्मान फेन करले रहे । शिक्षा क्षेत्रओर धर्मदेव भट्ट, कला संस्कृतिओर टीएन जोशी, दृष्टि फाउण्डेशनके कल्पना भट्ट, लीलाजंग खड्का, जगेन्द्र शाहीहे सम्मान करल बा । ओस्टेके, लालसिंह ठकुराठी, महेश महरा, हरिप्रसाद भट्ट, भुमेश्वर पन्त, धर्मराज भट्ट, लक्ष्मी भट्ट, सूर्य रावल, ईन्द्रबहादुर पाल, निर्मालादेवी श्रेष्ठ, शेरसिंह खडका, नेत्रबहादुर बस्नेतहे सम्मान करल रहे ।

ओस्टेके, निर्माण व्यवसायीसे जनप्रतिनिधि बनल ललित कुँवर, तेजबहादुर चन्द, वीरेन्द्र भट्ट, कर्ण कुँवर, हरिसिंह धामी, भोजराज बम, गणेशराज गिरी, शिवराज राना, रूपबहादुर कुँवर, मिथुन गौतम, जयप्रकाश मल्ल, डम्मरबहादुर सिंह, विपिन कटुवाललगायतहे सम्मान करल रहे ।

कार्यक्रममे निर्माण व्यवसायी महासंघ केन्द्रीय सदस्य तेण्डी शेर्पा, केन्द्रीय सदस्य अशोक केसी, पूर्व केन्द्रीय सदस्य भीमबहादुर पाल, पूर्व केन्द्रीय सदस्य हरिप्रसाद भट्ट, महासंघ प्रादेशिक अध्यक्ष चिरञ्जीवी भट्ट, कैलाली जिल्ला प्रमुख जिल्ला अधिकारी किरण थापा, धनगढी उपमहानगरपालिकाके नगर प्रमुख गोपाल हमाल, निर्माण व्यवसायी संघ कञ्चनपुर अध्यक्ष प्रेमप्रकाश भट्ट, नेपाली काँग्रेस कैलाली सचिव केशव मिश्र, नेकपा एमालेके चक्र कुँवर, राप्रपाके छत्र शाही, सदस्य रवीन्द्र शाह, हरिप्रसाद भट्टलगायत मन्तव्य व्यक्त करले रहैं ।

निर्माण व्यवसायी संघ कैलालीके वरिष्ठ उपाध्यक्ष टेकबहादुर मल्ल स्वागत करल कार्यक्रमके सञ्चालन पत्रकार सीताराम ओझा करले रहैं ।