निसर्ग हस्पिटलसे रक्तदान

पहुरा समाचारदाता
धनगढी, २३ भदौ । धनगढी उपमहानगरपालिका हसनपुरस्थित निसर्ग हस्पिटल एण्ड रिसर्च सेन्टरके आयोजनामे बिफेक रोज रक्तदान कार्यक्रम हुइल बा ।

विश्व फिजियोथेरापी दिवसके अवसरमे आयोजित रक्तदान कार्यक्रममे हस्पिटलमे कार्यरत २१ जाने कर्मचारी रक्तदानकरले रहैं । उ अवसरमे ४७ जाने फिजियोथेरापीके बिरामीहुकनहे निःशुल्क सेवा प्रदान फेन करल हस्पिटलके फिजियोथेरापीस्ट डाक्टर नबिन ढुंगाना जानकारी डेलैं ।

ओस्टेके, निसर्ग हस्पिटलके अध्यक्ष तीर्थराज पन्तल रगत अभावके कारण कौनो फेन व्यक्ति ज्यान गुमाइ नापरे कना उद्देश्यसे रक्तदान कार्यक्रम करल बटैलैं ।

नेपाल रेडक्रस सोसाइटीके प्राविधक सहयोगमे रक्तदान कार्यक्रम हुइल रहे ।