विश्व आत्महत्या रोकथाम दिवस मनागिल

पहुरा समाचारदाता
मसुरिया, २५ भदौ । विश्व आत्महत्या रोकथाम दिवस कैलालीके गौरीगंगामे मनागिल बा ।

आशा जगाऔं, जीवन बचाऔं मुल नाराके मसुरिया बजारमे प्रभातफेरी रयालीसहित अभिमुखीकरण कार्यक्रम करल रहे । टि.पी.ओ. नेपालके कैलाली जिल्ला मनोपरामर्शदाता दिनेश भट्टराईसे सहजीकरण करल कार्यक्रममे संविधान सभा सदस्य कृष्णकुमार चौधरी सम्बोधन करले रहिट । जौनफे उमेर समुहके मनै आत्महत्या कैना ओरसे घरपरिवार समाजमे कमजोर मनस्थिति बनैना व्यक्तिके उपचारमे प्रोत्साहन करे पर्ना चौधरी बटैलै ।

घर परिवार संघरीयाभैया सकारात्मक सोचके साथ जीवन उपयोगी सीप विकास करके सहयोगात्मक सम्बन्ध बनैलेसे सहि परामर्श ओ उपचारसे आत्महत्यासे हुइना जोखिम कम करे सेक्ना कार्यक्रमके सहभागीहुक्रे बटैले रहिट ।
मसुरिया स्वास्थ्य चौकीके समन्वयमे टिपिओ नेपालके आयोजनामे करल कार्यक्रममे ५० जानेक सहभागिता रहल रहे ।