परियोजनाके परिचय तथा मानव अधिकार समूह गठन

पहुरा समाचारदाता
सुखड, ३० भदौ । स्थानीय समुदायलाई सचेत परटी जिम्मेवार निकायहे जवाफदेही बनैना कार्यक्रमके परिचयात्मक तथा मानव अधिकार समुहके गठन कार्य घोडाघोडीमे हुइल बा ।

इन्सेक सुदूरपश्चिम प्रदेश कार्यालय, धनगढीके आयोजनामे हुइल कार्यक्रममे इन्सेक प्रदेश संयोजक खडकराज जोशी सामाजिक न्याय स्थापित कैना इन्सेकसे प्रकाशन हुइना हरेक वर्ष नेपाल मानव अधिकार वर्ष पुस्तकमे न्यापालिका, कार्यपालिका ओ व्यवस्थापिकाहे पारदर्शी जवाफदेही बनैना तीनु तहके सरकारसंग समन्वय करटी रहल बटैलै ।

कार्यक्रममे घोडाघोडी नगरपालिकामे परियोजनाहे प्रभावकारी रुपमे सञ्चालन कैना ओ पालिकाहे मानव अधिकारमैत्री बनैना सक्कुहुनमे आधरभुत मानव अधिकारके चेतना जगैना सचेतीकरण करके शसक्त बनैना सावित्रा आचार्यके अध्यक्षतामे ११ सदस्यीय मानव अधिकार समुह गठन करके सञ्चालन कैना कार्यक्रमके गतिविधिके बारेमे छलफल करल बा ।

घोडाघोडी नगरपालिकाके प्रमुख खडकबहादुर रावत घोडाघोडी नगरपालिका मानव अधिकारके दृष्टिकोण्से जोखिममे रहल ओरसे इन्सेकसे मानव अधिकार समुह गठन करके मानव अधिकारके सुरक्षाके लाग कार्यक्रम संचालन करल ओरसे सहयोग कैना प्रतिवद्धता जाहेर करलै ।

घोडाघोडी नगरपालिकाके उपप्रमुख गुलियाकुमारी चौधरी इन्सेकसे कार्यक्रम संचालन करलमे धन्यवाद डेटी आपन ओ सेक्ना सहयोग कैना प्रतिवद्धता जाहेर करलै ।

घोडाघोडी नगरपालिकामे गठन करल मानव अधिकार समुहके उपाध्यक्षमे प्रेम बोगटी, सचिवमे विनोद चौधरी, कोषाध्यक्षमे अनु जैशी, सदस्यमे आशा नेपाली, शंकर डगौरा, दिपेश बोहरा, दिपक सेवेदी ओ किशोर परियार रहल बटै ।