पल्सर एनएस १२५ बजारमे

पहुरा समाचारदाता
धनगढी, ३१ भदौ । डशैहे लक्षित कटी बजाज मोटरसाइकलके अधिकारिक विक्रेता दिनेश अटोमोटिभ्स धनगढीसे पल्सर एनएस १२५ बजारमे लन्ले बा ।

शुकके एक कार्यक्रमके बिच दिनेश ग्रुपके कार्यकारी अध्यक्ष श्याम हमाल बाइकहे सार्वजनिक कैटी विक्री वितरणके सुरुवात करल हुइट । इ बाइक बजाजके सबसे प्रतिक्षित बाइक मध्ये एक हो ।

बजाजसे लानल नेपाली बजारमे इ लावा मोडलके बाइक रहल जनाइल बा । पल्सर एनएस १२५ बजाजके सबसे छोट स्पोर्ट्स मोटरसाइकल हो जेकर नेपाली बजारके मुल्य २ लाख ७९ हजार नौसय रुप्या रहल बा ।