नवनिर्मित सहकारी भवनके उदघाटन

पहुरा समाचारदाता
हसुलिया, ७ कुवाँर । कैलालीके कैलारी गाउँपालिका–६ बनकट्टा ओ खरेटीमे बनल दुई सहकारीके नवनिर्मित भवनके उदघाटन हुइल बा ।

सुदूरपश्चिम प्रदेश विधायन तथा मामिला समिति सभापति नेपालु चौधरी ओ कैलारी गाउँपालिका उपाध्यक्ष भगवतीकमारी चौधरी संयुक्त रुपमे पीडित प्रगशिल बचत तथा ऋण सहकारी संस्था लिमिटेड बनकट्टा ओ नथुनिया शिव बाबा कृषि सहकारी संस्था लिमिटड खरेट्टी नवनिमिर्तत भवनके उदघाटन करले बटै ।

प्रदेश सरकारके २५÷२५ लाख रुप्यामे सहकारीके उ भवन बनल हो । कैलारी गाउँपालिका–६ मे रहल पीडित प्रगशिल बचत तथा ऋण सहकारी संस्था लिमिटेड बनकट्टाके नवनिर्मित भवन उदघाटन सहकारीके अध्यक्ष बुधराम चौधरीके अध्यक्षतामे हुइल कार्यक्रमके वडका पहुना सुदूरपश्चिम प्रदेश विधायन तथा आर्थिक मामिला समिति सभापति नेपालु चौधरी ओ विशिष्ट पहुना कैलारी गाउँपालिका उपाध्यक्ष भगवतीकमारी चौधरी रहल रहिट । पहुनामे वडा–६ के अध्यक्ष प्रेमबहादुर चौधरीलगायत सहकारीके प्रतिनिधिहुकनके सहभागिता रहे ।

ओस्टेक करके कैलारी गाउँपालिका–६ मे नथुनिया शिव बाबा कृषि सहकारी संस्था लिमिटड खरेट्टी नवनिमिर्तत भवनके उदघाटन कार्यक्रम सहकारीके अध्यक्ष खगेन्द्र प्रसाद चौधरीके अध्यक्षतामे हुइल रहे । कार्यक्रमके वडका पहुना सुदूरपश्चिम प्रदेश विधायन तथा आर्थिक मामिला समिति सभापति नेपालु चौधरी ओ विशिष्ट पहुना कैलारी गाउँपालिका उपाध्यक्ष भगवतीकमारी चौधरी रहल रहिट । पहुनामे वडा–६ के अध्यक्ष प्रेमबहादुर चौधरीलगायत सहकारीके प्रतिनिधिहुकनके सहभागिता रहे ।