लुम्बिनी प्रदेश फाईनलमे उपाधिके लाग कर्णाली प्रदेशसँग खेल्न

पहुरा समाचारदाता
धनगढी, १३ कुवाँर । गण्डकी प्रदेशहे हरैटी लुम्बिनी प्रदेश कैलालीके धनगढीमे जारी सुदूरपश्चिम राजधानी कप राष्ट्रिय फुटबल प्रतियोगिताके फाईनलमे पुगल बा ।

विफेक रोज धनगढी रंगशालामे हुइल सेमीफाईनल खेलमे गण्डकीहे ४–३ से हरैटी लुम्बिनी उपाधि लग्गे पुगल हो ।
लुम्बिनी प्रदेशसे उपाधिके लाग कर्णाली प्रदेशसँग प्रतिस्पर्धा करी । कर्णाली यी आघे फाईनल पुगसेकल बा । उपाधि भिडन्त परउ शनिच्चर हुई ।

पिएफए स्पोटर््स क्लब अत्तरियाके आयोजनामे हुइटी रहल प्रतियोगिता कुवाँर १५ गतेसम सञ्चालन हुई । प्रतियोगिताके विजेता नगद ५ लाख, सहित ट्रफी मेडल ओ प्रमाणपत्र पैही कलेसे उप विजेता नगद ३ लाख सहित ट्रफी मेडल ओ प्रमाणपत्र प्राप्त करही । प्रतियोगितामे टमान विधाके उत्कृष्ट खेलाडी जनही १० हजार नगद पाईबेर उत्कृष्ट खेलाडी नगद २० हजार प्राप्त करही ।