प्रहरीसे चार्डपर्व लक्षित सुरक्षा योजना सार्वजनिक

पहुरा समाचारदाता
धनगढी, १५ कुवाँर । वडा प्रहरी कार्यालय कैलाली चार्डपर्व लक्षित सुरक्षा योजना सार्वजनिक करले बा ।

डशियामे चोरी लगायत अपराधिक घटना न्यूनिकरणके लाग शनिच्चरके रोज ‘चाडपर्व लक्षित सामुदायिक प्रहरी साझेदारी कार्यक्रमे सरोकारवाला निकायसंगके छलफल तथा अन्तरक्रिया कार्यक्रमे सुरक्षा योजना सार्वजनिक कैगिल हो ।
वडा प्रहरी कार्यालय कैलालीके प्रहरी निरिक्षक उपेन्द्र बहादुर बम चार्डपर्व लक्षित सुरक्षा योजना सार्वजनिक करटी जिल्ला प्रहरी कार्यालयसे ३ ठो मोबाइल गाडी गस्ती कैना ओ तयारी अवस्थामे रख्ना बटैलै ।

भारी गाडीहे कबु–कबु सकिर डगरमे जैना कर्रा रहल ओर ३ ठो मोटरसाइकल टोली खटैना, मुख्य–मुख्य चोकमे पिकेट २४÷७ रहना, सादा पोशकमेफे डिउटी खटैना, आवश्यकता अनुसार अन्य डिउटी परिचालन कैना प्रहरी निरिक्षक बम बटैलै ।
ओस्टेक करके लागु औषध दुव्र्यसनीहुकनहे नियन्त्रण ओ रोकथामके प्रयास कैना, सामाजिक विकृृति (मापसे करके होहल्ला कैना, कुटपिट, झगडा, गारी गलौच) नियन्त्रण कैना, जेष्ठ नागरिक महिला तथा बालबालिकाहुकनहे हुइना घरेलु हिंसा सम्बन्धी अपराधके रोकथाम तथा निरुत्सान कैना, चाडपर्वके बेला मानव बेचविखन सम्बन्धी अपराध हुइना सम्भावना हुइना ओरसे सीमानाकामे प्रभावकारी निगरानी कैना कहल बा ।

अपराधफे समुदायके मनैनसे हुइना ओरसे घटनाके सूचना अदान प्रदान कैना उहाँ समुदायसे प्रहरी अपेक्षा करल बटैलै । लागु औषध दुव्र्यसनीहुकनहे समुदायसे निरुत्सान कैना घर–घरसे प्रयास करे पर्ना, चाडपर्वके बेला सडक दुर्घटना ढेर हुइना ओरसे रोकथाममे समुदाय स्तरसे सहयोग करे पर्ना प्रहरी निरिक्षक आपेक्ष करले बटै ।

कार्यक्रममे बाबुराजा श्रेष्ठ कैलालीमे लागु पदार्थ दुव्र्यसनी बह्रटी गैल ओरसे प्रहरीके निगरागी ओ अभिभावकसे अपन लर्कनके बारे चासो राखे पर्ना जरुरी रहल बटैलै । कार्यक्रममे धनगढी उपमहानगरपालिका वडा नम्बर ३ के अध्यक्ष राजबहादुर ऐर, वडा नम्बर ४ के अध्यक्ष बुद्धिबहादुर खडका, वडा नम्बर ६ के अध्यक्ष भागीराम चौधरी, नेपाल पत्रकार महासंघके केन्द्रीय सदस्य भरत शाह, होटल व्यवासायी संघ कैलालीके अध्यक्ष कलम बम, शान्ति पुनस्र्थापना गृह धनगढीके प्रमुख पुष्पा जोशी लगायत चाडपर्वके बेला चोरी, दुव्र्यसनी, दुर्घटना, मानव वेचविखन, घरेलु हिंसामे ढेर ध्यान डेना आग्रह करलै ।