राजधानी कपके उपाधि लुम्बिनीहे
पहुरा समाचारदाता
धनगढी, १५ कुँवार । लुम्बिनी प्रदेश कैलालीके धनगढीमे हुइल सुदूरपश्चिम राजधानी कप राष्ट्रिय फुटबल प्रतियोगिताके उपाधि जिटले बा । शनिच्चरके रोज धनगढी रंगशालामे हुइल फाइनल खेलमे लुम्बिनी प्रदेश कर्णाली प्रदेशहे सडनडेथमे हरैटि उपाधि जिटल हो ।
लुम्बिनी कर्णालीहे सडनडेथमे १०–९ गोलसे हराइल हो । यीआघे निर्धारित समयमे दुनु टोली १–१ के बराबरी खेल्ले रहैं । दुनु टोली आत्मघाती गोल कैके बराबर हुइल रहैं ।
उपाधिस“गे लुम्बिनी प्रदेश नगद ५ लाखसहित ट्रफी मेडल प्राप्त करले बा । उपविजेता कर्णाली प्रदेश नगद ३ लाखसहित ट्रफी मेडल प्राप्त करल ।
प्रतियोगिताके उत्कृष्ट खेलाडी लुम्बिनी प्रदेशके फागुराम चौधरी हुइलैं । उहाँ नगद २० हजार पैलैं । ओस्टेक, उत्कृष्ट रक्षक लुम्बिनी प्रदेशके चेतन थारू, उत्कृष्ट गोलरक्षक कर्णाली प्रदेशके सुदीप शाही ठकुरी, उत्कृष्ट प्रशिक्षक कर्णाली प्रदेशके चन्द्रप्रकाश शाही, उत्कृष्ट मिडफिल्डर कर्णाली प्रदेशके भुपेन्द्र शाही हुइलैं । उहाँहुक्रे जनही दश/दश हजार पैलैं ।
प्रतियोगिता पिएफए स्पोर्ट्स क्लब अत्तरियाके आयोजनामे हुइल रहे ।
