मै प्रतिनिधित्व केल करल हुँ उम्मेदवार सक्कु हुइटः पन्त
पहुरा समाचारदाता
धनगढी, २६ कुवाँर । कैलाली निर्वाचन क्षेत्र नम्बर ५ से प्रतिनिधि सभामे उम्मेदवार रहल डिल्लीराज पन्त गठबन्धन दलके प्रतिनिधित्व करटी चुनावी मैदानमे आइल बटैले बटै ।
बुधके धनगढीस्थित लक्ष्मीनारायण चौकमे पाँच दलिय गठबन्धनके सचिवालय समुदघाटन करटी पन्त सक्कु जे अपनहे उम्मेदवार सोचके गठबन्धन दलमे मतदान कैना आग्रह करलै ।
‘मै पाँच दलिय गठबन्धनके प्रतिनिधित्व केल करल हु । उम्मेदवार अपनेनके सक्कु जे हुई’, उहाँ कहलै–‘अपनहे उम्मेदवार सोचके जनतामाझ मत मग्बी । पार्टीके हितके लाग सक्कु जे लागी ।’
प्रदेश सभा २ के उम्मेदवार प्रकाश देउवा प्रदेशके समग्र विकासके लाग अपने प्रदेश सभामे उम्मेदवार बनल बटैले बटै । उहाँ कहलै –‘मै यिहे मनै हुँ । कुछ मनै महीहे पर्यटक कहिके अफवाह फैलैटी रहल बटै । यैसिन भ्रमहे चिर्न आवश्यक रहल बा ।’
प्रदेश सभा १ के उम्मेदवार रमेश धामी गठबन्धन दलके पक्षमे इमान्दारिपूर्वक लग्ना सक्कुहुनहे आग्रह करलै । बुधके बाम लोकतान्त्रिक गठबन्धन दलके सचिवालय समुदघाटन हुइलसंगे प्रचार–प्रसार, भेटघाट, टमान चरणके छलफल लगायतके गतिविधि सचिवालयसे हुइना जनाइल बा ।
