कैलाली हस्पीटलसे नास्ट कलेजहे स्वास्थ्य सेवामे छुट डेना
पहुरा समाचारदाता
धनगढी, २७ कुँवार । धनगढीमे रहल कैलाली हस्पीटल प्रा.लिसे धनगढी ईन्जिनियरिङ कलेज(नाष्ट)हे स्वास्थ्य सेवामे छुट डेना हुइल बा ।
कैलाली हस्पीटलके अध्यक्ष जनकराज जोशी ओ नाष्ट कलेजके ओरसे संस्थाके संचालक तथा प्रबन्ध निर्देशक शिवहरि मुडभरी बिफेक रोज सम्झौता पत्रमे हस्ताक्षर करल हुइट ।
धनगढी ईन्जिनियरिङ कलेज(नाष्ट) से कैलाली हस्पीटलहे बिरामी उपचारके लाग पठाइबर संस्थाके पत्र ओ बिरामीके परिचय खुल्ना कागजातके प्रतिलिपि पेस करे पर्ना जनाइल बा । साथे सम्झौतामे उ संस्थामे अध्ययनरत सम्पूर्ण विद्यार्थी ओ विद्यार्थीके परिवारके सदस्य एवम् संस्थाके कर्मचारी ओ परिवारहे समेत समेटना रकल बा ।
सम्झौता २०७९ आश्विन २७ गतेसे लागु होके दुई बरसके अवधि रहना बा । उक्त सम्झौता कार्यक्रममे नाष्टके ओरसे शिक्षाविद डा.प्रेम बहादुर चन्द (प्राचार्य), रमेश खडका, ओ कैलाली हस्पिटलके प्रबन्धक खगेन्द्र जोशीके समेत उपस्थिति रहल रहे ।
