वडा स्वास्थ्य क्लिनिकमे १०८ जाने सेवा पैलैं

पहुरा समाचारदाता
धनगढी,२७ कुवाँर । धनगढी उपमहानगरपालिकाके वडा नम्बर १२ जुगेडा सहरी स्वास्थ्य केन्द्रमे विफेक रोज संचालन हुइल विशेषज्ञ वडा स्वास्थ्य क्लिनिकमे १०८ सेवा लेले बटै ।

उप–महानगरपालिकासे संचालित विशेषज्ञ वडा स्वास्थ्य क्लिनिकमे स्वास्थ्य सम्बन्धी टमान मेरिक समस्या सेवाग्राहीसे निःशुल्क सेवा पैले बटै । जेम्ने जनरल फिजिसियनसे सेवा लेना सेवाग्राहीके संख्या ५८ जाने, स्त्री तथा प्रसुती रोग विशेषज्ञके सेवा लेना सेवाग्राहीके संख्या ३२ जाने, आँखा रोग सम्बन्धी सेवा लेनाके संख्या १८ जाने रहल उपमहानगरपालिका जनैले बा ।
ओस्टेक करके प्रयोगशाला सेवा ९ जाने, अल्ट्रासाउन्ड सेवा २२ जाने, इसिजी सेवा ४ जाने, गर्भवती महिला २२ जाने, ७० बर्ष उप्परके सेवाग्राही संख्या १३ जाने रहल बटै । ओस्टेक रिफर करल संख्या २ जाने रहल जनागिल बा ।