निसर्ग हस्पिटलसे विश्व एनेस्थेसिया दिवस मनाइल

पहुरा समाचारदाता
धनगढी,३० कुवाँर । धनगढीमे रहल निसर्ग अस्पताल अँटवारके रोज विश्व एनेस्थेसिया दिवस मनैले बा ।

हस्पिटलके अप्रेशन विभागमे कार्यरत डाक्टर ओ स्टाफके सयुक्त समुहसे कार्यक्रमके आयोजना करल हो । एनेथेसियोलोजिष्टसे डाक्टर हेमन्त ओझा ओ डाक्टर सुनिल भट्ट एनेस्थेसिया सम्बन्धी विविध जानकारी डेहल रहिट ।

अप्रेशन विभागके सक्कु डाक्टरके समूहके सहभागिता रहल कार्यक्रममे एनेस्थेसियोलोजिष्टसे हेमन्त ओझा से केक काटके विश्व एनेस्थेसिया दिवस मनाइल रहे । ओस्टेक कार्यक्रममे हस्पिटलके मेडिकल डाइरेक्टर मेराज अलाम अन्सारी, न्युरो सर्जन डाक्टर सुरेश सापकोटा, नजमुस्वा अन्सारी, हाडजोर्नी विशेषज्ञ डाक्टरद्धय श्रीराम खाती, डाक्टर ओमकार विष्ट लगायतके सहभागिता रहल रहे ।

१६ अक्टोवर १८४६ मे विश्वमे पहिल चो सफलतापूर्वक एनेस्थेसिया सेवा अमेरिकाके मासाचुसेटस अस्पतालमे प्रयोग करल रहे ।