रैथान खाद्य साँझ कार्यक्रम
पहुरा समाचारदाता
धनगढी, ३० कुवाँर । ४२औं विश्व खाद्य दिवसके अवसरमे अँटवारके रोज धनगढीमे सरोकारवाल निकायविच अन्तरक्रिया तथा रैथाने खाद्य साँझ कार्यक्रम हुइल बा ।
कृषि ज्ञान केन्द्रके आयोजनामे हुइल कार्यक्रममे पशुपंक्षी मत्स्य विकास निर्देशनालयके निर्देशक बसन्तबहादुर सिंह वडका पहुना रहिट । कार्यक्रममे टमान सरोकारवाला संस्थासे खाद्य सम्बन्धी प्रस्तुतीकरण कैगिल बा । सुदूरपश्चिम प्रदेशके कृषि सम्बन्धी नीति तथा कार्यक्रम सम्बन्धी प्रस्तुतीकरण भुमि व्यवस्था कृषि तथा सहकारी मन्त्रालयके योजना शाखा प्रमुख टीकाराम थापा प्रस्तुतीकरण करले रहिट ।
सुदूरपश्चिम प्रदेशमे खाद्य तथा पोषण सुरक्षाके अवस्थाबारे कृषि विकास निर्देशनालयके निर्देशक यज्ञराज जोशी, सुदूरपश्चिम प्रदेशके खाद्य तथा पोषण सुरक्षामा पशु पालन क्षेत्रके योगदानबारे पशुपंक्षी तथा मत्स्य विकास निर्देशनालयके निर्देशक डा. बसन्तबहादुर सिंह प्रस्तुतीकरण करले रहिट ।
कृषि ज्ञान केन्द्रके योजना कार्यक्रम ओ सिकाईबारे केन्द्रके प्रमुख खगेन्द्र शर्मा, याक नेपालके ओरसे कार्यक्रम निर्देशक डबल बम, कृषि जैविक विविधता संरक्षण, खाद्य तथा पोषण सुरक्षामे हुइल पहल तथा सिकाईबारे लि–बार्डके सहदेव केसी ओ सुआहाराके ओरसे पोषण सम्बन्धी प्रस्तुतीकरण लोकेन्द्र रावल करले रहिट ।
अक्टोबर १६ अर्थात ४२ औ विश्व खाद्य दिवसके दिन सुदूरपश्चिम प्रदेशमे अवस्थित कृषि तथा खाद्य सम्बन्धी सरकारी तथा गैर सरकारी एव अन्य सरोकारवाला निकायके उपस्थितिमे सुदूरपश्चिम प्रदेशमे हालके कृषि, पशुपंछीजन्य उत्पादन एवं खाद्य सुरक्षा तथा पोषणके अवस्था ओ अइना दिनमे खाद्य स्वच्छता, पोषण एवं समग्रमे खाद्य सुरक्षाके अवस्था सुधारके क्षेत्रबारे विचार विमर्श करल बा ।
ओस्टेक करके टमान स्थानीय खानाके साथे रैथाने थारु परिकारके प्रदर्शनीमार्फत प्रवद्र्धन कैना कार्यक्रम हुइल बा ।
कृषि ज्ञान केन्द्र धनगढीके प्रमुख खगेन्द्र शर्माके अध्यक्षतामे हुइल कार्यक्रम संचालन कृषि ज्ञान केन्द्रके अधिकृत श्यामराज जोशी ओ स्वागत मन्तव्य कृषि प्रसार अधिकृत गंगादत्त अवस्थी करले रहिट । ४२औं विश्व खाद्य दिवस कार्यक्रममे सहकार्य वल्र्ड भिजन, मर्सिक्रोप्स, फियान नेपाल, सुआहारा, लिवार्ड, याक नेपाल, दिगो विकासलगायत संस्थासे करल रहे ।
