सोहन बनैलै इलेक्ट्रोनिक मोटरसाइकल

पहुरा समाचारदाता
धनगढी, ३१ कुँवार । धनगढीके एक किशोर इलेक्ट्रोनिक मोटरसाइकल बनैले बटैं । धनगढी उपमहानगरपालिका वडा नम्बर ५ जाइके १६ वर्षीय सोहन कैनी इलेक्ट्रोनिक मोटरसाइकल बनैले बटैं ।

ऐश्वर्य विद्या निकेतनमे कक्षा ११ मे अध्ययनरत उहाँ डेढ लाखके लागतमे दुई महिना लगाके उ मोटरसाइकल निर्माण करल बटलैं । उहाँक बनाइल मोटरसाइकलहे चलाइक लाग फिंगर प्रिन्ट ओ चाबी दुनु आवश्यक परना बटैलैं ।

उहाँक अनुसार मोटरसाइकलमे १ से लेके १२७ फिंगरप्रिन्ट एड करे सेक्जाइठ । यी मोटरसाइकलमे १२ भोल्टेजके चार ठो ब्याट्री जडान करल बा । जेकर कारण एकचो ब्याट्री चार्ज करलबाद ५५ किलोमिटर परआवर ६० से लेके ७० किलोमिटरसम चलठ ।

मोटरसाइकलके क्षमता ४८ भोल्ड १ हजार १ सय १ रहल बा । सोम्मार उ मोटसाइलकहे धनगढी उपमहानगरपालिकाके कार्यालयमे प्रदर्शन करल रहे । प्रदर्शनके क्रममे मेयर गोपाल हमाल मोटरसाइकलके निर्माढामे सोहनहे सहयोग करना बटैलैं ।