अपाङगता रहल बालबालिकाके शैक्षिक सुधार

पहुरा समाचारदाता
धनगढी, ३१ कुवाँर । ‘सबैका लागि पढाई कार्यक्रम’ से अपाङगता रहल बालबालिकाके स्तरमे शैक्षिक सुधार नानल एक कार्यक्रमके सहभागीहुक्रे बटैले बटै ।

युएस आईडि, ह्यान्डिक्याप ईन्टरनेशनल ओ विश्व शिक्षाको सहकार्यममे सर्वाङीण अपांगता विकास समाज नेपाल, धनगढी, कैलालीके आयोजनामे सोम्मारके धनगढीमे हुइल जिल्ला स्तरीय सराकारवालासंग सिकाई आदान–प्रदान कार्यक्रममे उ बाट कहिगिल हो ।

सर्वाङीण अपांगता विकास समाजके कार्यकारी निर्देशक नन्दराज भट्ट अपांगता हुइल बालबालिकाहुकनके शिक्षामे पहुँच अभिबृद्धि करेक लाग ‘सबैका लागि पढाई कार्यक्रम’ अन्तर्गत कैलाली जिल्लाके १३ पालिकाके ५५४ विद्यालयके पुर्व प्राथमिक तहसे कक्षा ३ सम अध्ययन करटी रहल कार्यगत सिमितता शंकामे परल ४ हजार ४८८ बालबालिकाके कार्यगत सिमितता पहिचान करल बटैलै ।

परियोजनाके अवधिभर (सन २०१९ से सन २०२२ सम) प्रारम्भिक पहिचान तालिम, श्रोत विद्यालयमे शैक्षिक सामग्री वितरण, अपांगता रहल बालबालिकाहुकनके तथ्यांक संकलन जैसिन कार्यक्रम करके रेफेरल सेवा ओर उन्मुख हुइल सस्थाके कार्यकारी निर्देशक भट्ट जानकारी डेलै ।

जिल्ला समन्वय समिति कैलालीके प्रमुख पदम कलेलके वडका पहुनामे हुइल कार्यक्रममे उहाँ समन्वय समितिसंग आर्थिक रुपमे अपाङगता रहल व्यक्तिन सहयोग करे नइसेक्लेसे समन्वय करके आघे बह्रे सेक्ना बटैलै ।

कार्यक्रममे कैलारी गाउँपालिकाके अध्यक्ष राजसमझ चौधरी सर्वाङिण अपाङता विकास समाजसे सहकार्य करके अपाङगता रहल बालबालिकाके शिक्षा सुधार कैना प्रतिवद्धताफे जनैलै । गाउँपालिका अध्यक्ष चौधरी पालिकामे आबसे बन्ना लौवा भौतिक संरचना बालबालिका, अपाङगतामैत्री बनैनाफे बटैलै ।

कार्यक्रममे घोडाघोडी नगरपालिका नगर प्रमुख खडकबहादुर रावत, जोशीपुर गाउँपालिकाके अध्यक्ष चित्रबहादुर चौधरी, चुरे गाउँपालिकाके अध्यक्ष चक्रबहादुर बोगटी, बर्दगोरिया गाउँपालिकाके उपाध्यक्ष गणेशराज गिरी, शिक्षा समन्वय इकाईके प्रमुख प्रतापसिंह धामी, राष्ट्रिय अपाङ महासंघ सुदूरपश्चिम प्रदेश अध्यक्ष मानबहादुर साउद, सेती प्रादेशिक अस्पतालके डा. सुरेन्द्र भट्ट, राष्ट्रिय मावि सुखडके शिक्षक उत्तम केशर जैशी, शिक्षक रमेश विक, घुम्मनसिंह बडायक लगायत सबैका लागि पढाई कार्यक्रम अपाङगता रहल बालबालिका लाग महत्वपूर्ण रहल बटैले रहिट ।यी कार्यक्रमके अवधि ओरैलेसेफे स्थानीय सरकारसे निरन्तरता डेना जरुरी रहल बाटमेफे जोर डेहल रहे ।

सर्वाङीण अपांगता विकास समाज नेपाल, कैलालीके अध्यक्ष कृष्ण प्रसाद भण्डारीके अध्यक्षतामे हुइल पदम महर बर्ष कैगिल गतिविधिबारे जानकारी डेहल रहिट । कार्यक्रम संचालन सिनियर कार्यक्रम अफिसर लोकराज मल्ल करले रहिट । कार्यक्रममे १३ स्थानीय तहके प्रमुख, शिक्षा शाखाके प्रमुख, शिक्षकहुकनके सहभागिता रहे ।

माही ओ कल्पनाके जीवनमे परिवर्तन

कैलाली जिल्ला कैलारी गाउँपालिका–७ बसन्ताके माही चौधरी अब्बे बागेश्वरी आधारभुुत विद्यालयमे पह्रटी बटी । उहाँहे छोटेसे आँखीक समस्या रहे ।

लिखेबेर बत्ती बरल बेलाफे मोवाइलके बत्ती बरके माहीहे गृहकार्य कैना अवस्था रहे, हुकान डाई पार्वती चौधरी कहली । ओसिक हेरेबेर सबकुछ मजै डेखु छाईक आँखी कम्जोर रहल बाट पाछे केल पत्ता पैनु,’ पार्वती कहली, ‘रातके बत्ती बरलबेला छाई मोवाइलके बत्ती बारके गृहकार्य करे । अक्षरफे टेढबाङ बनाए ।, सबैका लागि पढाई कार्यक्रम लागु हुइलपाछे सल्लाह ओ परामर्श पैना हसुलिया अस्पतालसे लेके गेटा आँखा अस्पतालसम पुगतसम अब्बे छाई आँखीमे सुधारसंगे पह्रना सहजु्ल हुइल उहाँ बटैलै । पार्वती कहली, ‘समयमे सल्लाह ओ परामर्श पैनु । छाईक भविष्य सुधार कैना मौका पैनु ।

कैलारी गाउँपालिकाके अध्यक्ष राज समझ चौधरी स्थानीय सरकार सक्कु बालबालिकाके अभिभावक रहल कहटी माहीके आँखीक थप उपचारके लाग पालिकासे सहयोग कैना प्रतिवद्धता जनैलै ।

माही जस्टे कल्पना सार्कीफे सबैका लागि पढाई कार्यक्रम लागु हुइलपाछे अपाङता हुइनासे बाँचल बटी । धनगढी उपमहानगरपालिका–१९ जे गाउँ निवासी कल्पनाके दुर्घटना परके गोरा टुटल रहे । गोरक हडडी जोरेक रड डारल रहे । डाक्टरके सल्लाह अनुसार समयमे रड नइनिकरले क्यान्सर हुई सेक्ना कहल कल्पनाके डाई इश्वरा सार्की बटैली । समयमे जानकारी पैली छाईक गोरा बचैना सफल हुइली उहाँ कहली । कल्पनाके गोरा अब्बे ठिक हुइल इश्वरा बटैली ।