मनोज थारूके ‘टुवरा’ बजारमे

पहुरा समाचारदाता
चितवन, ७ कात्तिक । चितवनके जिल्लाके साहित्यकार मनोज थारूके उपन्यास ‘टुवरा’ बजारमे आइल बा । माडी नगरपालिकाके मेयर ताराकुमारी काजी महतो उ उपन्यास सनिच्चरके रोज विमोचन कैले रहि ।

टुवरा थारू भाषाके शब्द हो । जेकर अर्थ टुवर हुइठ । चितवनके ग्रामीण परिवेश ओ आदिवासी समुदायके कथा-व्यथा इ उपन्यासमे समेट गैल बा । मनोजके इ डुसरा कृति हो । दुई बरस आघे मनोज थारूके ‘टुकी’ उपन्यास प्रकाशित होसेकल बा ।