नेकपा एमालेसे चुनावी घोषणापत्र सार्वजनिक
काठमाडौं, १५ कात्तिक । नेकपा एमालेसे चुनावी घोषणा पत्र सार्वजनिक करले बा । मंगरके काठमाडौंके याक एण्ड यति होटलमे अध्यक्ष केपी शर्मा ओली डिजिटल प्रविधिसे आसन्न प्रतिनिधिसभा ओ प्रदेशसभा निर्वाचनके लाग पार्टीके घोषणा प्रविधिसे सार्वजनिक करल हुइट ।
घोषणा पत्रमे पार्टीसे आघे सारल‘समृद्ध नेपालः सुःखी नेपाली’के राष्ट्रिय संकल्पहे निरन्तरता डेहल बा । करिब २० हजार शब्द रहल घोषणा पत्रमे मुलुकके समृद्धिके लाग राष्ट्रिय अर्थतन्त्रके निर्माणमे जोड डेहल बा ।
घोषणा पत्र सार्वजनिक हुइलसँगे ‘ओलीसँग लाईभ डिबेट’ फेन यहीँसे सुरु हुइना एमाले जनैले बा । सत्तारुढ गठबन्धनमे आवद्ध नेपाली कांग्रेस, नेकपा (माओवादी केन्द्र), नेकपा (एकीकृत समाजवादी)से संविधानके रक्षाहे मूल नारा बनाके इहीसे आघे चुनावी घोषणा पत्र सार्वजनिक करसेकल बावै ।
पाँच बरसके लाग २० ग्यारेन्टी
नेकपा एमालेसे आगामी चुनावके लाग २० हजार शब्दके घोषणापत्र सार्वजनिक करले बा । एमालेसे घोषणापत्रमे आगामी पाँच बरसमे कैना कामहे २० ग्यारेन्टीमे संक्षेपीकरण करले बा । जेम्ने नेपालीहे किल नागरिकता डेनासे नेपालके अर्थतन्त्र १ सय खर्ब रुपैयाँ पुगैना लक्ष्य रख्ले बा । ओस्टके दस हजार लिटर पानी निःशुल्क बँट्नासे ५० युनिट बिजुली निःशुल्क बँट्ना फेन घोषणापत्रमे उल्लेख करले बा ।
१. पहिलो सेसनः समृद्धि अधिवेशन
२. नेपालीहे किल नागरिकता
३. हंगर नो लंगर
४. उत्पादन स्वदेशी: बजार विदेशी
५. सुरक्षित छाना: पुगी सबके चाहना
६. कमाइ: युवाके रोजाई
७. पढाइ: भविष्यके जग बसाइ
८.सुगर प्रेसर: भइन्न बिरामी औषधि बेगर
९. फ्रि मिटर: १० हजार लिटर
१० फ्रि युनिट: ५० युनिट
११ खेतबारीमे पानी: खाडीमे नैहोके स्वदेशमे लगानी
१२ दिनदिने सडक विस्तार: विकासके पूर्वाधारके आधार
१३. भूमिगत तार: सहर बजार
१४. नो लाइन: सेवा अनलाइन
१५. ५ लाख रोजगार: न्यूनतम ज्याला २५ हजार
१६. समृद्धिसँगके नाता: सबके बैंक खाता
१७. स्वास्थ्य महिनावारी: १५ सय वर्षभरि
१८. फाइभजी सञ्चार: आइटीमे चमत्कार
१९. हम्रे समाजिक: सभ्य नागरिक
२० हमार अर्थ: १०० खर्ब
