सडक चौडाके लाग मेनरोडके संरचना हटैना सुरु

पहुरा समाचारदाता
धनगढी,१६ कार्तिक । धनगढी उपमहानगरपालिकासे कैलालीपुलसे क्याम्पसरोडसमके सडक चौडा कैना कार्यके सुरुवात करले बा ।

उपमहानगरपालिकासे यी आघे सूचना जारी करटी सडक क्षेत्र खाली कैना कहल रहे । उहे अनुरूप आजसे सडक क्षेत्रमे पर्ना संरचना हटाउन सुरु करल हो ।

उपमहानगरके मेयर गोपाल हमाल स्वयं उपस्थित हुके सडक क्षेत्रभिटर पर्ना संरचनामे डोजर चलाइल हो । सेती प्रादेशिक अस्पतालके स्वामित्वमे रहल प्रदेश स्वास्थ्य कार्यालय, रक्तसञ्चार केन्द्र लगायतके संरचनामे डोजर चलाइल हो । यी आघे छठपाछे संरचना भत्कैना सूचना जारी करल कारण आजसे डोजर चलाइल मेयर हमाल बटैलै ।

उपमहानगरपालिकासे कैलालीपुलसे क्याम्पस रोडसम सडकके दुनु ओर १५÷१५ मिटरभिटर पर्ना संरचना हटैना सूचना जारी करल रहे ।