प्रारम्भिक बालविकास केन्द्रहे इसिडि किटबक्स वितरण

पहुरा समाचारदाता
हसुलिया, १६ कार्तिक । कैलारी गाउँपालिका अन्र्तगत सक्कु ४८ ठो विद्यालयके ७२ ठो बालविकास केन्द्रहे इसिडि किट बक्स वितरण करल बा ।

युनिसेफ नेपालके आर्थिक सहयोग, सेतो गुराँस राष्ट्रिय वालविकास सेवा, पीसवीन नेपालके प्राविधिक तथा कैलारी गाउँपालिकाके समन्वय ओ सहकार्यमे सञ्चालित ‘नेपालमे प्रारम्भिक बालशिक्षा र विकासके सवलीकरणका लागि प्रारम्भिक सिकाइ तथा विकास मापदण्ड कार्यान्वयन परियोजना’ अन्र्तगत बालविकास केन्द्रहे इसिडि किट बक्स वितरण करल हो ।

कैलारी गाउँपालिकाका शिक्षा प्रमुख गणेश प्रसाद मिश्रके रहोवरमे सम्बन्धित विद्यालयके प्रधानाध्यापकहे इसिडि किट बक्स वितरण करल पीसवीन नेपाल कैलालीके जिल्ला परियोजना संयोजक शान्ति मगर बटैली । बालबालिकाके विकास तथा सिकाइके लाग बालमैत्री वातावरणके व्यवस्थापन कैना सहयोग कैना उद्देश्यसे इसिडि किट बक्स वितरण करल उहाँ जनैली ।
बालवालिकासे अपन उमेर, अवस्था, रुचि ओ क्षमता अनुसार टमान विधि तरिकासे सिक्ठै ।

टबमारे हरेक केन्द्रमे ६ ठो सिकाइ क्षेत्र व्यवस्थापन कैजैना बा । जिहीसे बालबालिका सिक्न वातावरण बालमैत्री हुई । बालविकास केन्द्रके गुणस्तरीय सेवासे बालवालिकाके समग्र शारीरिक, सामाजिक, भाषिक, मानसिक ओ संवेगात्मक विकासके पक्षमे सहयोग पुग्ना परियोजना संयोजक बटैली ।