चार प्रदेशमे मतपत्र ढुवानी
पहुरा समाचारदाता
धनगढी, १७ कार्तिक । अगहन ४ गते हुइना प्रतिनिधि सभा तथा प्रदेश सभा सदस्य निर्वाचनके लाग चार प्रदेशके मतपत्र ढुवानी हुइल बा ।
सुदूरपश्चिम प्रदेश, कर्णाली, लुम्बिनी ओ गण्डकी प्रदेशके लाग मतपत्र ढुवानी सम्पन्न हुइल हो । बिफेक रोज मनाङ ओ मुस्ताङ जिल्लाके लाग आवश्यक मतपत्र हेलिकप्टरमार्फत ढुवानी हुइलसंगे चार प्रदेशके मतपत्र ढुवानी सम्पन्न हुइल हो ।
शुकसे पहिल हुइना निर्वाचित हुइना निर्वाचन प्रणाली अन्तर्गत प्रदेश नं. १ के मतपत्र ढुवानी सुरु हुई । समानुपातिक निर्वाचन प्रणालीओरके मतपत्र भर यी आघे ढुवानी सम्पन्न हुसेकल बा ।
यी बार पहिल हुइना निर्वाचित हुइना तथा समानुपातिक निर्वाचन प्रणालीके लाग १ करोड ७९ लाख ८८ हजार ५७० मतदाताके लाग करिब ८ करोड मतपत्र आवश्यक पर्ना बा । जौन मन्से आब २५ लाख ९४ हजार मतपत्र केल छपाइ हुइना बाँकी बा । शुकसम सक्कु मतपत्र छपाइ सम्पन्न हुई कलेसे कार्तिक २५ गतेसममे प्रत्येक निर्वाचन अधिकृतके कार्यलयमे मतपत्रसमेत पुगी ।
