शेयर तथा जग्गा प्राप्ति गुरुयोजना शुभारम्भ
पहुरा समाचारदाता
धनगढी, १७ कात्तिक । सुदूरपश्चिमके अस्थायी राजधानी धनगढीसे शेयर तथा जग्गा प्राप्ति गुरुयोजना पहल(सलामी) ओ लगानी तथा जग्गा अपार्टमेन्ट प्राप्ति गुरुयोजना पहल सुरु हुइल बा ।
बिफेक रोज एक कार्यक्रमके बिच उ योजनाके शुभारम्भ करल हो । आरकेडी होल्डिङके सदस्य सचिव चिन्तामणि शर्मा उ योजनाके शुभारम्भ करल हुइट । शुभारम्भ कैटी उहाँ योजना बारे जानकारी समेत कराइल रहिट । उहाँ निम्न तथा मध्यम वर्गीय व्यक्तिहुक्रनसे सञ्चालित नेपालके पहिल पब्लिक कम्पनी रहल बटाइल रहिट ।
ओस्टके उहाँ कम्पनीके मुख्य उद्देश्य कृिष पर्यटन ओ रियल क्षेत्रके औद्योगिक संयोजन प्रर्वद्धन ओ सम्बद्र्धन कैना कम्पनी स्थापना कैके शेयरधनीहे आर्थिक स्वतन्त्रता डेना जनाइल बा ।
कम्पनीमे न्यूनतम १ लाखसे १ करोडसम लगानी करल ७ हजार ५ सय शेयर सदस्य रहल जनाइल बा ।
कार्यक्रममे कैलाली उद्योग वाणिज्य संघ कैलाली अध्यक्ष पुष्प कुँवर, महासचिव ओम विष्ट, घरेलु तथा साना उद्योग सुदूरपश्चिम प्रदेशके अध्यक्ष रुक्मणि देवकोटा लगायत टमान उद्योगी व्यवसायीहुक्रनके सहभागिता रहल रहे ।
