९९ औं अर्चनाबाबा शिव साधना सुरु
पहुरा समाचारदाता
धनगढी, १७ कार्तिक । “हत्या हिंसा त्यागि, सत्यके मार्ग पहिल्याइ” कना मूल नाराके साथ १०८ औं श्री अर्चनाबाबा शिव साधनामध्ये ९९ औं अर्चनाबाबा शिव साधना धनगढी उपमहानगरपालिका वडा नम्बर ११ घाेडसुवामे सुरु हुइल बा ।
श्री पिण्डेश्वर महादेव अर्धनारीश्वरी सद्गुरूदेव अर्चनाबाबा वैदिक सनातन धर्म रक्षार्थ, विश्व शान्ति एवम् जगत कल्याणके लाग शिव साधना आयोजना हुइटिरहल जनाइल बा ।
कार्यक्रममे आदि जगत गुरु ओम बाबासे आत्मा परमात्मा, होम महिमा, भक्ती भजन, जगत ओ जीवन, ध्यान जप तथा प्रवचन हुइटा ।
कार्यक्रममे कैलाली, कञ्चनपुर, बाके, बर्दिया, दाङ, नवलपुर, चितवन, सुर्खेत, काठमाडौं, जनकपुर, विराटनगर, विरगंज, उदयपुर, धनुषा, धरान, सुनसरी ओ भारतके टमान स्थानसे साधक साधिका भक्तजनहुकनके उपस्थिति रहल आयोजक जनैले बा ।
कार्यक्रम अगामी कात्तिक २१ गतेसम हुइना बा । शिव साधना विशेष आयोजक अर्चनाबाबा धाम कैलाली ओ कञ्चनपुरके आयोजनामे हुइटिरहल समितिके अध्यक्ष राममिलन राना जानकारी डेलैं ।
