डडेल्धुरामे मेडिकल कलेज बनैना बाट चुनावी सपना केल होः ओली
पहुरा समाचारदाता
धनगढी,१८ कार्तिक । नेकपा एमालेके अध्यक्ष केपी शर्मा ओली चुनाव जिटेक लाग शेरबहादुर देउवा डडेल्धुरामे मेडिकल कलेज बनैना सपना बाँटल आरोप लगैले बटै ।
शुकके सकारे कैलालीस्थित एमाले सचिव लेखराज भट्टके घरेम पार्टी प्रवेश कार्यक्रममे उहाँ उ बाट बटाइल हुइट ।
ओलीसे प्रधानमन्त्री एवं नेपाली कांग्रेसके सभापति शेरबहादुर देउवा चुनाव जिटेक लाग डडेल्धुराके गन्यापधुरामे मेडिकल कलेज सञ्चालन करम कहिके भोट मागल बटैलै ।
कैलालीके गेटामे एमालेसे बनाइल संरचनामे मेडिकल सञ्चालन नइकरके अन्तिम चुनाव जिटेक लाग गन्यापधुरामे मेडिकल कलेज सञ्चालन करम कहिके भोट मागल हो । ओली गेटा मेडिकल कलेज अपनेहुकनके सरकारसे बनाइल दाबी करटी देउवासे चुनाव जिटेक एमालेसे बनाइल गेटा मेडिकल कलेज सञ्चालन करे छोरके गन्यापधुरामे चलैम कना मने उ सम्भव नइरहल बटैलै ।
ओली कहलै, ‘देउवा यी बारके अन्तिम चुनाव जित्न हम्रे बनाइल गेटा मेडिकल कलेज सञ्चालन कैना छोरके गन्यापधुरामे चलैम कहलै । उहाँ कैसिक मेडिकल के चलाई ? मेडिकल कलेज चलैना कम्तीमेफे तीन सय बेड क्षमताके अस्पताल चलाई परठ । संरचना हुई परठ । बिरामी हुई परठ । ओकर उपचार करके विद्यार्थीसे अनुसन्धान कैना हुई । चुनाव जित्न जा फे कहिडेना ।’ उहाँक यी आश्वासन अन्तिम बार डडेल्धुरासे चुनाव जित्न दाउ केल हो ।’ उहाँ ७ अर्बके पूर्वाधार बनसेकल ठाउँमे मेडिकल कलेज नइचलैना कहल सरकारके अकर्मण्यता रहल आरोप लगैलै ।
‘अटरा संचरना बनसेकल ठाउँमे मेडिकल कलेज नइचलाके डडेल्धुरामे चलैना कना सरकारके अकर्मण्ता हो, ओली कहलै । अब्बे सत्ता गठबन्धनमे रहल दलहुक्रे चुनाव जित्न ओ सत्तामे जाईक लाग जा फे बोल्न ओ जौनफे हदमेफे जैना कौनो कसर बाँकी नइ छोरल ओलीके कहाई रहे । ओस्टेक करके एमाले सुदूरपश्चिमके इन्चार्ज लेखराज भट्टके निवास अत्तरियामे शुकके सकारे आयोजना करल कार्यक्रममे पार्टीमे नेकपा एसके धनगढी उपमहानगर अध्यक्ष मदन रेग्मी सहितके नेता कार्यकर्ता नेकपा एमालेमे प्रवेश करले बटै ।
ओइनहे पूर्व प्रधानमन्त्री तथा एमाले अध्यक्ष केपी शर्मा ओली टिका ओ खादा लगाके पार्टीमे स्वागत करल हुइट । एमाले प्रवेश कैनामे एकीकृत समाजवादी निकट युवा संघ नेपालके स्थायी कमिटी सदस्य राजेन्द्र बम, पार्टी जिल्ला सचिवालय सदस्य भक्तराज जोशी, अखिल नेपाल किसान महासंघके केन्द्रीय सदस्य रमेश धामी, धनगढी उपमहानगर कमिटि सदस्य चक्र कुँवर, अखिल नेपाल महिला संघके नगर कमिटि सचिव पवित्रा बोहरा लगायतके बटै ।
ओस्टेक करके नेपाली कांग्रेस ओ नेकपा विप्लवके नेता कार्यकर्ताफे एमालेमे प्रवेश करले बटै । विप्लव माओवादीके जिल्ला कमिटि सदस्य खुस्बु राना, नेपाली कांग्रेसके क्रियाशिल सदस्य तथा गोदावरी नगर कमिटि सदस्य बाली साउद लगायतके कार्यकर्ता प्रवेश करल एमाले जनैले बा ।
ओली आजु (शुुकके) कालापानी लिपुलेक हुइल जिल्ला दार्चुलासे चुनावी प्रचार अभियान सुरु करटी बटै । दार्चुलाके खलंगामे आयोजित चुनावी सभापाछे ओली बैतडीके पाटन ओ ओकरपाछे आजु कञ्चनपुरके महेन्द्रनगरमे आयोजित चुनावी सभाहे सम्बोधन कैना कार्यक्रम बा ।
