मतपत्र छपाइ ओराइल

पहुरा समाचारदाता
धनगढी,१९ कार्तिक । अगहन ४ गते हुइना प्रतिनिधि सभा तथा प्रदेश सभा सदस्य निर्वाचनके लाग कूल आठ करोड तीन लाख ९४ हजार ५०० मतपत्र छपाइ ओराइल बा ।

पहिल हुइना निर्वाचित हुइना निर्वाचन प्रणालीके प्रतिनिधि सभाओर एक करोड ९८ लाख ७१ हजार ओ समानुपातिकओर दुई करोड चार लाख २१ हजार मतपत्र छपाइ हुइल हो । प्रदेशसभाके पहिल हुइना निर्वाचित हुइना निर्वाचन प्रणालीके लाग एक करोड ९९ लाख १८ हजार ५०० र समानुपातिकओर दुई करोड एक लाख ८४ हजार मतपत्र छपाइ सम्पन्न हुइल बा । निर्वाचन आयोगसे जनक शिक्षा सामग्री केन्द्र लिमिटेडहे मतपत्र छपाइके जिम्मा डेहल रहे ।