एलएन चोक स्थित मुख्य सडक क्षेत्रमे पर्ना संरचना हटागिल

पहुरा समाचारदाता
धनगढी, १९ कार्तिक । धनगढी उपमहानगरपालिकासे आजफे सडक क्षेत्रमे पर्ना संरचनामे डोजर चलैले बा ।
कैलालीपुलसे क्याम्पसरोडसमके सडक चौडा कैना कार्य अन्तर्गत लक्ष्मी नारायण मन्दिरके स्वामित्वमे रहल एलएन चोकके भवनमे डोजर चलाइल हो ।

उपमहानगरपालिकासे यी आघे सूचना जारी करटी सडक क्षेत्र खाली कैना कहिसेकल रहे । उहे अनुरुप सडक क्षेत्रमे पर्ना संरचना हटैना सुरु करल हो ।
उपमहानगरपालिकाके मेयर गोपाल हमाल स्वयं उपस्थितहुके सडक क्षेत्रभिटर पर्ना संरचनामे डोजर चलाइल हो । मेयर हमाल यी आघे छठ पाछे संरचना भत्कैना सूचना जारी करल कारण डोजर चलाइल बटैलै । उपमहानगरपालिकासे कैलालीपुलसे क्याम्पस रोडसम सडकके दुनु ओर १५÷१५ मिटरभिटर पर्ना संरचना हटैना सूचना जारी करल रहे ।

ओस्टेक करके एलएन चोकसे पूर्व ओरिक व्यापारीहुक्रेफ सामान सरटी रहल बटै ।