कैलारी युथस युनाईटेड विजयी

पहुरा समाचारदाता
धनगढी,२१ कार्तिक । प्रदेश क्लव स्तरीय भेट्रान फुटवल प्रतियोगितामे कैलारी गाउँपालिकाके कैलारी युथस युनाईटेड विजयी हुइल बा ।

मनकामना युवा क्लव धनगढी उपमहानगरपालिका वडा न.१२ जुगेडासे आजोजना करल चौथा प्रदेश क्लव स्तरीय महिला÷पुरुष तथा भेट्रान फुटवल प्रतियोगिता २०७९ के यिहे सोम्मारके रोज हुइल फाइनल खेलमे अपन प्रतिस्पर्धीहे आयोजक टिमहे शुन्यके विरुद्ध पाँच गोलसे हरैटी भेट्रान कपके उपाधी हासिल करल हो । प्रतियोगितामे भेट्रान विजेता हुइल टिम कैलारी युथस युनाईटेड ७१ हजार हात परले बा । कलेसे घरेलु टिम उपविजेता बनल मनकामना युवा क्लव धनगढी उपमहानगरपालिका वडा न.१२ जुगेडा ३५ हजार पाइल ।

यिहे कार्तिक १५ से २१ गतेसम जुगेडामे हुइटी रहल प्रतियोगितामे भेट्रान पुरुष फुटवल प्रतियोगिताओर ६ टिम सहभागी रहे कलेसे भेट्रान पुरुष फुटवल प्रतियोगिताओर ४ टिम सहभागी रहे ।