नगरप्रमुख पाइल सेवासुविधा सामाजिक क्षेत्रमे लगानी

पहुरा समाचारदाता
धनगढी, २३ कार्तिक । धनगढी उपमहानगरपालिकामे नगरप्रमुख गोपल हमाल अपन पाइल सेवासुविधा सामाजिक क्षेत्रमे लगानी करले बटै ।

नगर प्रमुख हमालसे सावन, भदौ, कुवाँर महिना ओ पर्व खर्च बाफत पाइल २ लाख ६७ हजार ८०० सेवा सुविधा बुधके रोज दक्षिणकाली बहिरा आवासीय निम्न माध्यमिक विद्यालयके विद्यार्थी (१५४ जाने) ओ पञ्चोदय माध्यमिक विद्यालयमे अध्ययनरत जीवन ज्योति छात्रावासके दृष्टि विहिन विद्यार्थी (१९ जनहन)हे पोशाक हस्तान्तरण करले बटै ।

ओस्टेक करके डशिया आघे दृष्टि फाउन्डेसनमे आश्रित ५५ जाने, मानव सेवा आश्रम धनगढीमे ५६ जाने आश्रित, आमाको माया छात्राबास तारानगरमे ३० जाने आश्रित ओ नेपाल अपाङ संघ खगेन्द्र नवजीवन केन्द्रमे ५ जाने आश्रितहुकनहे चाडबाडके अवसरमे पोशाक हस्तान्तरण करल नगरप्रमुख हमाल बटैलै ।