नागरिक उन्मुक्ति पार्टीसे र्याली
पहुरा समाचारदाता
टीकापुर, ३० कार्तिक । नागरिक उन्मुक्ति पार्टीसे टीकापुरमे ¥याली निकरले बा । टमान साँस्कृतिक झाँकी सहित निकारल चुनावी र्याली बजार परिक्रमा करके भानु चोकमे कोण सभामा परिणत हुइल रहे ।
कोणसभाहे प्रतिनिधिसभा सदस्य पदके उम्मेदवार रञ्जिता श्रेष्ठ सम्बोधन करल रहिट । कार्यक्रममे बोल्टी उहाँ विगतसे अभिन न्यायमे परल थारु समुदाय, आदीबासी जनजाती, पिछडावर्ग ओ दलित समुदायके न्यायके लाग ढकियामे भोट डर्ना आग्रह करली । उहाँ कहली, हम्रे अभिन न्याय नइपैली हुई, देशमे समानता नइहुइटसम विकासके कौनो कल्पना करे नइसेक्जाई ।’ जनता न्याय ओ समनता चाहल बटै । अधिकार चाहल बटै । विकास पाछेक बाट हो उहाँ कहली ।
कार्यक्रममे प्रदेश सभा सदस्य ‘ख’ के उम्मेदवार लक्ष्मणकिशोर चौधरी, समानुपातिक उम्मेदवार ललित ताम्राकार लगाएत सम्बोधन करल रहिट । प्रचार प्रसार विभागके संयोजक प्रदिपकुमार चौधरी समापन करल कार्यक्रम पदम सापकोटा सञ्चालन करल रहिट ।
