बर्दियामे नागरिक उन्मुक्तिसे दुइजाने प्रदेश सभा सदस्यमे निर्वाचित

बर्दिया, ९ अगहन । बर्दिया जिल्लासे नागरिक उन्मुक्ति पार्टीसे दुइ जाने प्रदेश सभा सदस्यमे निर्वाचित हुइल बाटै ।
बर्दिया प्रतिनिधिसभा क्षेत्र नम्बर १ के प्रदेशसभा (२)से राजकुमार चौधरी निर्वाचित ओ क्षेत्र नम्बर २(२)से धर्मबहादुर चौधरी निर्वाचित हुइल बाटै ।

राजकुमार चौधरी नेकपा एमालेके भक्तबहादुर बिकहे १ हजार ४७ मतान्तरसे पराजित करल हुइट ।

ओस्टके बर्दिया–२ के प्रदेशसभा (२) से नागरिक उन्मुक्ति पार्टीके धर्मबहादुर चौधरी गठबन्धनसे उम्मेदवार बनल नेकपा माओवादीके केन्द्रके मानबहादुर थारुहे ९ हजार १४३ मतान्तरसे हरैटी निर्वाचित हुइल हुइट ।

धर्मबहादुर चौधरी २० हजार १२७ मत लानेबर माओवादीके मानबहादुर थारु १० हजार ९८४ मत लानल रहिट । नेकपा एमालेके कृष्णी थारु ७ हजार १७ मत लानेबर राष्ट्रिय प्रजातन्त्र पार्टी (राप्रपा) के धर्मराज शाह ३ हजार १३३ मत लानल रहिट ।