कैलालीमे नागरिक उन्मुक्ती बनल सबसे भारी पार्टी
पहुरा समाचारदाता
धनगढी, ९ अगहन । नागरिक उन्मुक्ती पार्टी कैलाली जिल्लामे सबसे भारी पार्टी बनल बा ।
यिहे अगहन ४ हुइल निर्वाचनमे प्रत्यक्षओर प्रतिनिधिसभा सदस्यमे तीन सिट ओ प्रदेश सभा सदस्यमे पाँच सिट विजय हासिल करटी नागरिक उन्मुक्ती पार्टी सुदूरपश्चिम प्रदेशके कैलालीमे पहिल सित बनल हो । प्रत्यक्षओर प्रतिनिधिसभा सदस्यमे कैलाली निर्वाचन क्षेत्र १ मे रन्जिता श्रेष्ठ चौधरी, क्षेत्र नम्बर २ मे अरुण चौधरी ओ क्षेत्र नम्बर ३ मे गंगाराम चौधरी विजयी हासिल करले बटै ।
ओस्टेक प्रत्यक्षओर प्रदेशसभा सदस्यमे कैलाली निर्वाचन क्षेत्र १ के ‘क’ मे कैलाश चौधरी, ‘ख’ मे लक्षमणकिशोर चौधरी विजयी हुइल बटै । क्षेत्र नम्बर २ के ‘ख’ मे रामेश्वर चौधरी विजयी हुइल बटै । निर्वाचन क्षेत्र ३ के ‘क’ मे घनश्याम चौधरी, ‘ख’ मे खुशीराम चौधरी विजयी हुइल बटै ।
कैलालीमे नेपाली काँग्रेस दुसरा पार्टी बनल बा । प्रतिनिधिसभा सदस्यमे २ सिट ओ प्रदेशसभा सदस्यमे तीन सिट जिटले बा । प्रतिनिधिसभा सदस्यमे कैलाली क्षेत्र नम्बर ५ मे डिल्लीराज पन्त ओ क्षेत्र नम्बर ४ मे विरबहादुर बलायर विजयी हुइल बटै ।
ओस्टेक प्रदेशसभा सदस्यमे कैलाली ५ के ‘ख’ मे प्रकाशबहादुर देउवा, कैलाली ४ के ‘ख’ मे प्रकाशबहादुर बम, कैलाली २ के ‘क’ मे कमलबहादुर शाह विजयी हुइल बटै ।
ओस्टेक करके नेपाल कम्यूनिष्ट पार्टी (एकिकृत समाजवादी)के दिर्घबहादुर सोडारी कैलाली निर्वाचन क्षेत्र नम्बर ४ ‘क’ से विजयी हुइल बटै । कलेसे नेपाल कम्यूनिष्ट पार्टी (माओवादी केन्द्र) के रमेशसिंह धामी कैलाली निर्वाचन क्षेत्र नम्बर ५ ‘क’ से विजयी हुइल बटै ।
प्रतिनिधिसभा सदस्यके लाग कैलाली–१ मे नागरिक उन्मुक्ती पार्टीके रन्जिता श्रेष्ठ चौधरी ३० हजार ४०४ मत पाके विजय हुइली । हुकान प्रतिद्वन्दी नेपाली काँगे्रसके रामजनम चौधरी १८ हजार ८१ मत पैलै । एमालेके तपेन्द्रबहादुर रावल ५ हजार ९१० ओ राष्ट्रिय प्रजातन्त्र पार्टीके लोकेन्द्र कुवँर ३ हजार १४४ मत पैलै ।
क्षेत्र नम्बर २ मे नागरिक उन्मुक्ती पार्टीके अरुण चौधरी २१ हजार ८७१ मत नानके विजयी हुइलै । उहाँके प्रतिद्वन्दी एमालेके झपटबहादुर रावल १६ हजार १२८ मत पैलै । माओबादी केन्द्रके भगत बडुवाल १५ हजार ११६ मत पैलै । राष्ट्रिय प्रजातन्त्र पार्टीके भरतसिंह विसि बुढाक्षेत्री २ हजार ७८४ मत पैलै ।
कैलाली क्षेत्र नं ३ मे नागरिक उन्मुक्ति पार्टीके उम्मेदवार गंगाराम चौधरी २३१२० मत नानके विजयी हुइल बटै । निकटतम प्रतिद्वन्द्वी नेपाल कम्युनिष्ट पार्टी (माओवादी केन्द्र)के उम्मेदवार कृष्णकुमार चौधरीहे ५३७१ मतान्तरसे पराजित करल हुइट । पराजित कृष्णकुमार चौधरी १७७४९ मत नन्लै ।
कैलाली क्षेत्र नं ४ मे नेपाली कांग्रेसके उम्मेदवार वीरबहादुर बलायर २६१७१ मत नानके विजयी हुइलै । निकटतम प्रतिद्वन्द्वी नेपाल कम्युनिष्ट पार्टी (एमाले)के उम्मेदवार लेखराज भट्टहे ३५८४ मतान्तरसे पराजित करल हुइट । पराजित लेखराज भट्ट २२५८७ मत नन्लै ।
ओस्टेक करके कैलाली क्षेत्र नं ५ मे नेपाली कांग्रेसके उम्मेदवार डिल्लीराज पन्त २१३९२ मत नानके विजयी हुइल बटै । निकटतम प्रतिद्वन्द्वी नेपाल कम्युनिष्ट पार्टी (एमाले)के उम्मेदवार नारदमुनि रानाहे १०७४ मतान्तरसे पराजित करल हुइट । पराजित नारदमुनि राना २०३१८ मत नन्ले बटै ।
प्रदेशसभा सदस्यमे कैलाली–१ ‘क’ मे नागरिक उन्मुक्ती पार्टीके कैलाश चौधरी १५ हजार १०१ नानके विजयी हुइल बटै । हुकान प्रतिद्वन्दी नेकपा माओवादी केन्द्रके दिर्घराज विनाडी १० हजार ३७७ मत नन्लै । कैलाली–१ ‘ख’ मे नागरिक उन्मुक्ती पार्टीके लक्ष्मणकिशोर चौधरी ११ हजार ३१८ मत प्राप्त करलै । हुकान प्रतिद्वन्दी नेपाली काँग्रेसके डा. रणबहादुर रावल ८ हजार ५३ मत मत नन्लै ।
प्रदेशसभा सदस्यमे कैलाली–२ ‘क’ मे नेपाली काँग्रेसके कमलबहादुर शाह १० हजार ४३३ मत नानके विजयी हुइलै । हुकान प्रतिद्वन्दी नागरिक उन्मुक्ती पार्टीके रतन थापा ८ हजार ७७५ मत नन्लै । कैलाली–२ ‘ख’ मे नागरिक उन्मुक्ती पार्टीके रमेश्वर चौधरी १० हजार ६६६ मत नानके विजयी हुइल बटै । हुकान प्रतिद्वन्दी एमालेके डेजी पाण्डे ६ हजार ९१२ मत नन्लै ।
प्र्रदेशसभा सदस्यमे कैलाली–३ ‘क’ मे नागरिक उन्मुक्ती पार्टीके घनश्याम चौधरी १३ हजार ९२३ मत नानके विजयी हुइल बटै । हुकान प्रतिद्वन्दी नेपाली काँग्रेसके खेमराज डगौराथारु ११ हजार पाँच सय ७२ मत नन्ले बटै । कैलाली–३ ‘ख’ मे नागरिक उन्मुक्ती पार्टीके खुशीराम चौधरी ७ हजार ५३९ मत नानके विजयी हुइल बटै । हुकान प्रतिद्वन्दी एकिकृत समाजवादीके अमर साउद ६ हजार ६१८ मत नन्लै ।
प्र्रदेशसभा सदस्यमे कैलाली–४ ‘क’ मे एकिकृत समाजवादीके दिर्घबहादुर सोडारी १३ हजार ४७९ मत नानके विजयी हुइल बटै । हुकान प्रतिद्वन्दी एमालेके भीमबहादुर देउवा ९ हजार ४१३ मत नन्लै । कैलाली–४ ‘ख’ मे नेपाली काँग्रेसके प्रकाशबहादुर बम १२ हजार ४७३ मत नानके विजयी हुइलै । हुकान प्रतिद्वन्दी एमालेके हरिसिंह साउद ११ हजार ९५७ मत नन्लै ।
प्र्रदेशसभा सदस्यमे कैलाली–५ ‘क’ मे माओवादी केन्द्रके रमेशसिंह धामी ९ हजार ३८७ मत नानके विजयी हुइलै । हुकान प्रतिद्वन्दी एमालेके नेपालु चौधरी ९ हजार २६२ मत नन्लै । ओस्टेक करके कैलाली–५ ‘ख’ मे नेपाली काँग्रेसके प्रकशबहादुर बम ९ हजार ५९१ मत नानके विजयी हुइल बटै । हुकान प्रतिद्वन्दी एमालेके दुर्गा प्रसाद जोशी ६ हजार ३५१ मत नन्लै ।
