सुदूरपश्चिम निर्माण व्यवसायी महासंघके अध्यक्षमे स्वाँर विजयी
पहुरा समाचारदाता
धनगढी १७ अगहन । सुदूरपश्चिम प्रदेश निर्माण व्यवसायी महासंघके अध्यक्षमे लक्ष्मणकुमार स्वाँर विजयी हुइल बटै ।
महासंघके १६औ वार्षिक साधारणसभा तथा ८ औं अधिवेशनसे स्वाँर प्रदेश अध्यक्षमे विजयी हुइल हुइल हुइट । तीनवर्षे कार्यकालके लाग उहाँ हरिप्रसाद भट्टहे एक सय नौ मतसे पराजित करटी विजयी हुइल हुइट । स्वाँर २१५ मत नन्ले रहिट कलेसे भट्ट १०६ मत पैलै ।
संघके वरिष्ठ उपाध्यक्षमे कमलेश कुमार कपाडी विजयी हुइल बटै । कपाडीसे गंगाबहादुर शाहहे पराजित करल हुइट । कपाडीसे १९२ मत प्राप्त करेबेर शाह १२० मत पैलै । ओस्टेक करके उपाध्यक्षमे लक्ष्मणबहादुर साउँद २३२ ओ मदन मोहन बिष्ट १२१ मत प्राप्त करके विजयी हुइल बटै । उपाध्यक्षके प्रत्यासीद्वय रघुवीर सिँह साउँद ११२ ओ रमेश सिंह खडायत ८६ मत पैलै । संघके महासचिवमे खेमराज जोशी २०२ मत प्राप्त करके विजयी हुइल बटै । महासचिवके प्रत्यासी चन्द्र बहादुर शाह ११२ मत पैलै ।
नितिगत उप–महासचिवमे आङदावा शेर्पा विजयी हुइलै । शेर्पा २०२ मत पैलै कलेसे यज्ञराज जोशी ११५ मत पैलै । संघके आन्तरिक उप–महासचिवमे राजेश गिरी विजयी हुइल बटै । गिरी दर्शनबहादुर खड्काहे ५३ मतसे पराजित करल हुइट । गिरी १८२ मत नानेबेर खड्का १२९ मत पैलै ।
सदस्यमे ललितबहादुर बोहरा, शुनिल कुवंर, केशवराज भट्ट, पदमबहादुर भण्डारी ओ आशिष कुमार खत्री विजयी हुइलै । यी आघे संघके साधारणसभासे ८ जाने निर्विरोध चयन हुइल रहिट । कोषाध्यक्षमे निर्मलकुमार देउवा ओ सह–कोषाध्यक्षमे गणेशबहादुर खड्का निर्विरोध चयन हुइल हुइट । ओस्टेक, महिला सदस्यमे विमलादेवी श्रेष्ठ ओ शक्ति पन्त समेत निर्विरोध चयन हुइलै ।
माधव प्रसाद चौधरी, दाउत तामङ, तुला बहादुर राना ओ गोरे सिंह ऐरसमेत निर्विरोध चयन हुइल निर्वाचन अधिकृत वीरबहादुर जेठारा बटैलै । संघके ३४३ सदस्य मन्से ३२६ जाने मतदान करल रहिट ।
