डोना टेपरा बेंचके मजा कमाही

पहुरा समाचारदाता
गुलरिया, २० अगहन । कृष्णपुर नगरपालिका ६ बन्जरियाके महिला लोग डोना टेपरा बनैनामे हिरगरके लागल बटैं । घरक ढन्ढा सेक्के खाली हुइल बेलामे डोना टेपरा छेडनामे लागल श्यानीदेवी चौधरी बटैलैं ।

अपन हाँठेसे छेडल डोना टेपरा गुलरीया बजार ओ कैलालीके धनगढी बजारमे बिक्री हुइटी रहल उहाँ बटैलैं । डोना टेपरा बेंचके महिन्वाँरी १० हजारसे १५ हजारसम आम्दानी हुइठिन ।

सखुवक् पट्टासे बनैना डोना टेपरा ढेर दिनसम टिक्ना हुइलेक ओर्से एकर बजार मजा बा । इ अबसर महाकाली सामुदायिक वन सहज कराडेके बा ।

डोना टेपरा पूजापाठमे ढेर बेल्सना हुइलेक ओर्से दिन दिने एकर बेल्साइ जेडा बा । थारु समुदायके परम्परागत टिना टावन खाइक लाग जेडासे बेलस जाइठ ।

सामुदायिक वनके अध्यक्ष वीरबहादुर राजवंशीके अनुसार बजारमे माग ढेर हुइलेकमे मेसिनके व्यवस्था कैके व्यावसायिक रूपमे उत्पादन कैके बजारमे बिक्री कैना योजना रहल बटैलैं । उहाँ कलैं, इहिसे विपन्न उपभोक्तनके आर्थिक रूपमे बल्गर हुइटी रहल बा ।