जगदम्बा मोटर्ससे कैलालीमे एनओजी राइड

पहुरा समाचारदाता
धनगढी,३ पुस । टिभिएस मोटर कम्पनीके नेपालके लाग आधिकारिक बिक्रेता जगदम्बा मोटर्ससे कैलालीमे एनओजी (एन्टर्क ओनर्स ग्रुप) राइड सम्पन्न करले बा ।

टिभिएसके धनगढीस्थित सोरुम बागेश्वरी अटोमोटिभ्ससे सुरू करल राइड अत्तरियाके बागेश्वरी मल्टिमोटर्स हुइटी गोदावरीके सालिनी बाटिका रिसोर्टमे पुगके सम्पन्न हुइल रहे । उ राइडमे टमान सडक सुरक्षाके जानकारीके साथे राइडरसे अपनाई पर्ना नियम ओ सुरक्षाके बारेमे जानकारी डेहल रहे ।

उ क्रममे सहभागीहुकनबीच एकतामुलक टमान गेम खेलैनाके साथे टमान मनोरन्जनात्मक ओ अन्तरक्रियात्मक कार्यक्रम फे करल रहे । राइडमे टिभिएस एन्टर्कके ३० जाने महिला राइडर सहित ४० जाने राइडरहुकनके साथे मोडल तथा टिकटकर झरना बोहरा ओ टिकटकर लोकेश पाल ठकुरीलगायतके सहभागिता रहल रहे ।

टिभिएस एन्टर्कके राइडरहुकनबीच आत्मीयता बह्रैना, ग्राहक ओ कम्पनीबीचके सम्बन्ध थप प्रगाढ बनैना राइड सफल हुइल जगदम्बा मोटर्सके मार्केटिंग म्यानेजर करुणा पुडासैनी बटैली । जगदम्बा मोटर्स प्रालि नेपालमे टीभीएसके दूई पांग्रे सवारी साधनके लाग एक ठो केल आधिकारिक वितरक हो ।

कम्पनीके नेपालभर १३२ से ढेर डिलरके बल्गर राष्ट्रव्यापी वितरण सञ्जालके साथे टीभीएससे बजारमे अपन मजबुत पकड रख्न तथा ग्राहकहुकनमे उच्च स्थान जमैना सफल हुइल बा । गुणस्तरीय उत्पादन, विक्री पश्चातके उत्कृष्ट सेवाके कारण टिभिएस नेपालके सर्वाधिक रुचाइल टू–ह्विलर ब्राण्डके रुपमे स्थापित हुइल बा ।