घोडताल सावउसके १० औं साधारण सभा

पहुरा समाचारदाता
भजनी, ३ पुस । कैलालीके भजनी नगरपालिका–९, हिम्मतपुरस्थित घोडताल सामुदायिक वन उपभोक्ता समूहके अँट्वारके रोज १० औं वार्षिक साधारण सभा तथा सार्वजनिक सुनुवाइ कार्यक्रम हुइल बा ।

सव डिभिजन वन कार्यालय पचमुडियाके फरिष्टर वीरेन्द्र मल्ल उद्घाटन करल कार्यक्रम सावउसके अध्यक्ष रामप्रसाद थारुके अध्यक्षतामे हुइल रहे ।

कार्यक्रममे भजनी वडा नम्बर ९ के वडा सदस्य शोभा चौधरी, ओमशान्ति सावउसके हेमराज चौधरी, जनज्योति सोनियाँ सावउसके वीरबहादुर चौधरी, हिम्मतपुर आमा समूहके अध्यक्ष अमृता मगर, पत्रकार जीवन चौधरीलगायत मन्तव्य व्यक्त करले रहैं ।

हिम्मतपुर गाउँक भल्मन्सा जयलाल चौधरी स्वागत करल कार्यक्रमके सञ्चालन वीरबहादुर थापामगर करले रहैं । उ अवसरमे आर्थिक वर्ष २०७८/०७९ के ३५ लाख १२ हजार ५ सय २१ बराबरके आयव्यय प्रस्तुत करल रहे ।