सुदूरपश्चिम महोत्सव २०७९ ओराइल

पहुरा समाचारदाता
धनगढी, ५ अगहन । “समृद्ध सुदूरपश्चिमके लागः आर्थिक समृद्धि“ कना मुल नाराके साथ अगहन २२ गतेसे सुरु हुइल महोत्सव मंगरके रोज (पुस ५गते ) ओराइल बा ।

१३ दिनसम चलल महोत्सवहे करिब ५ लाख दर्शकसे अवलोकन करल आयोजक कैलाली उद्योग बाणिज्य संघके वरिष्ठ उपाध्यक्ष पुष्कर ओझा बटैलै । उहाँ महोत्सवमे करिब साढे ५ करोडके कारोबार हुइल जानकारी डेलै ।

महोत्सवमे राष्ट्रिय तथा स्थानीय कलाकारहुकनके प्रस्तुति डेहल रहे । स्थानीयस्तरमे उत्पादन हुइल वस्तुके महोत्सवमे मजा कारोबार हुइल संघके अध्यक्ष पुष्पराज कुंवर बटैलै । उहाँ महोत्सवसे स्थानीय स्तरमे पैना वस्तुके बजारीकरणमे प्रमुख भूमिका खेलल समेत बटैलै ।

अगहन २२ गते प्रधानमन्त्री शेरबहादुर देउवासे उदघाटन करल महोत्सवके समापन सुदूरपश्चिम प्रदेशके प्रदेश प्रमुख देवराज जोशी करले बटै ।