लागु औषध दुव्र्र्यसनी रोकथाम तथा नियन्त्रण सम्बन्धी सचेतना कार्यक्रम

पहुरा समाचारदाता
हसुलिया, ६ पुस । कैलारी गाउँपालिका वडा–५ पवेरा स्थित जनकल्याण मा.वि. पवेरामे लागु औषध दुव्र्र्यसनी रोकथम तथा नियन्त्रण सम्बन्धी सचेतना कार्यक्रम हुइल बा ।

“समुदाय प्रहरी–साझेदारी कार्यक्रमके अवधारण अनुरुप’’ कैलारी गाउँपालिकाके कार्यालय वडा ५ के वडा कार्यालय, स्कुल व्यवस्थापन समितिके सहयोग ओ ईलाका प्रहरी कार्यालय हसुलियाके आयोजनामे लागु औषध दुव्र्र्यसनी रोकथम तथा नियन्त्रण सम्बन्धी सचेतना कार्यक्रम हुइल हो ।

कक्षा ८ से १० समसम अध्यनरत १३८ जाने विद्यार्थीहुकनके सहभागिता रहल कार्यक्रममे इलाका प्रहरी कार्यालय हसुलियाके प्रमुख प्रहरी वरिष्ट नायव निरीक्षक राम सिंह बोहरा प्रशिक्षण डेहल रहिट । उहाँ लागु औषध दुव्र्र्यसनीसे हुइना वेफाइदा, यकर विक्री कैलेसे हुइना सजायबारे जानकारी डेहल रहिट । कार्यक्रममे विद्यालयके प्रअ, शिक्षकहुकनके सहभागिता रहे ।