खानेपानी तथा सरसफाईमे सामाजिक व्यवहार परिवर्तनबारे छलफल

पहुरा समाचारदाता
लम्की,८ पुस । युएसएआईडी अन्र्तगत सञ्चालित कर्णाली जल परियोजनासे खानेपानी तथा सरसफाईमे सामाजिक व्यवहार परिवर्तन सम्बन्धी सरोकारवालाहुकनके लम्कीमे छलफल करले बा ।

छलफल कार्यक्रममे युएसएआईडीके वन्दना अवस्थी जलाधारस्तरमे स्वस्थ्य, उत्थानशील ओ जल सुरक्षित समुदायहुकनके सिर्जना कैना परियोजनाके लक्ष्य रहल बटैली । उहाँ कर्णाली वाटर एक्टिभिटीके चार ठो अन्तर सम्बन्धित उद्देश्य ओ एक अतिरिक्त आकस्मिक उद्देश्य रहल, विपद आगिलेसे तत्काल प्रभावकारी रुपमे सक्रिय हुई सेक्ना बटैलै ।

परियोजनासे लुम्बिनी, कर्णाली ओ सुदुरपश्चिम प्रदेश अन्तर्गत लडिया तटमे केन्द्रित रहिके काम करटी रहल बटैलै । जेम्ने अन्र्तगत मुगु, रारा खत्याड जलाधार, जुम्ला ओ कालीकोट तीला कर्णाली जलाधार, अछाम ओ दैलेख मध्य कर्णाली जलाधार ओ कैलाली, बर्दिया, सुर्खेत तल्लो कर्णाली जलाधार क्षेत्रहे आधार मानके २९ पालिकाहे समेटके कार्यक्रम करटी रहल बटैलै ।
कार्यक्रममे युएसएआईडीके रमेश ढकाल पानीके बहुउपयोग कैना, उपभोक्ता समितिहे स्थायित्व, समवेशी बनैना, व्यक्ति, परिवार ओ समुदायगत रुपमे व्यवहार परिवर्तनके क्षेत्रमेफे काम करटी बटैलै ।

परियोजनासे मुख्य करके २७० समुदायमे आधारित सुरक्षित खानेपानीके आपूर्ति, ५० ठो संकटासन्न जनसंख्याहे लक्षित बहुउपयोगी जल प्रणाली, १२ ठो शहरी सरसफाई योजना, १० ठो दिसाजन्य लेदो प्रशोधन केन्द्रसे सम्बन्धित व्यवसायिक योजना, १०० ठो संरक्षित छोट जलाधार क्षेत्रमे पारिस्थितिक प्रवाह लगायतके क्षेत्रमे परियोजनासे काम करटी बटैलै ।
परियोजना सन् २०२६ के जुलाइसम्म सञ्चालनमे रहना बताइल बा ।