लागु औषध दुर्व्यसन रोकथाम तथा नियन्त्रण सचेतना कार्यक्रम

पहुरा समाचारदाता
हसुलिया, ८ पुस । इलाका प्रहरी कार्यालय हसुलियासे कैलारी गाउँपालिका–२ विजयपुर उजेसेम्रामे रहल राष्ट्रिय माविमे लागु औषध दुर्व्यसन रोकथाम तथा नियन्त्रण सचेतना कार्यक्रम करले बा ।

सामुदाय प्रहरी–साझेदारी कार्यक्रमके अवधारण अनुरुप कैलारी गाउँपालिकाके कार्यालय, वडा–२ के कार्यालय, स्कुल व्यवस्थापन समितिके सहयोग ओ ईलाका प्रहरी कार्यालय हसुलियाके आयोजनामे उ विद्यालयमे अध्ययनरत कक्षा ११ ओ १२ मे अध्यायनरत ९० जाने विद्यार्थीहुकनके लागु औषध दुर्व्यसन रोकथाम तथा नियन्त्रणबारे प्रशिक्षण डेहल बा ।

विद्यार्थीहुकनके इलाका प्रहरी कार्यालय हसुलियाके प्रमुख प्रहरी वरिष्ट नायव निरीक्षक राम सिंह बोहरा प्रशिक्षण डेहल रहिट । यूवा पिढी लागु औषध दुर्व्यसन ओर फस्टी गैल ओरसे सामुदाय प्रहरी–साझेदारी कार्यक्रम सचेतना कार्यक्रम तिब्र पारल उहाँ बटैलै ।