जिल्ला प्रहरी कैलालीके प्रमुखमे देवेन्द्र बहादुर पाल

पहुरा समाचारदाता
धनगढी,१२ पुस । जिल्ला प्रहरी कार्यालय कैलालीके प्रमुखमे प्रहरी उपरीक्षक देवेन्द्र बहादुर पाल जिम्मेवारी पैले बटै ।
तालुक प्रहरी प्रधान कार्यालय मानवश्रोत एवं प्रशासन विभाग कर्मचारी प्रशासन शाखासे काज सरुवा हुके पुस ११ गतेसे जिल्ला प्रहरी कार्यालय कैलालीके कार्यालय प्रमुखके जिम्मेवारी पाइल हुइट ।

प्रहरी उपरीक्षक देवेन्द्र बहादुर पालहे सोम्मारके रोज जिल्ला प्रहरी कार्यालयके प्रवक्ता तथा प्र.नायव उपरीक्षक वेद प्रकाश जोशी, सिनियर प्रहरी अधिकृत, जुनियर प्रहरी अधिकृत ओ और प्रहरी कर्मचारी स्वागत करले रहिट ।
प्रहरी उपरीक्षक पाल यी कार्यालयमे कार्यरत प्रहरी कर्मचारीहुकनहे व्यवसायिक निर्देशन डेनाके साथे यी कार्यालयके कार्यालय प्रमुखके पदभार ग्रहण करले बटै ।