थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २४ माघ २६४६, मंगर ]
[ वि.सं २४ माघ २०७९, मंगलवार ]
[ 07 Feb 2023, Tuesday ]

सुदूरपश्चिम प्रदेशमे कर्जा प्रवाह कार्यक्रम शुरु

पहुरा | १३ पुष २०७९, बुधबार
सुदूरपश्चिम प्रदेशमे कर्जा प्रवाह कार्यक्रम शुरु

पहुरा समाचारदाता
धनगढी, १३ पुस ।
सुदूरपश्चिम प्रदेश स्वरोजगार विकास कोषसे मंगरके रोजसे थोक कर्जा फ्रवाह कार्यक्रम सुरुवाट करले बा । कार्यत्रमके सुदूरपश्चिम आर्थिक मामिला राज्यमन्क्री बलबहादुर सोडारी एक कार्यत्रमके बीच शुभारम्भ करलैं ।

कार्यक्रममे राज्यमन्त्री सोडारी थोक कर्जा प्रवाह कार्यक्रम इमान्दारितापूर्वक लक्ष्य प्राप्तीके डगरमे लग्लेसे भविष्यमे युवाहुकनके स्वरोजगार तथा रोजगारमे सहयोग पुग्ना विश्वास व्यक्त करलैं । ऊहाँ कलैं, “युवाहुक्रे यी कार्यत्रमसे लाभ लेहेसेक्हि कलेसे समग्र सुदूरपश्चिम प्रदेशके आर्थिक समृद्ध सुधार हुइ ।”

प्रदेश स्वरोजगार विकास कोषके कार्यकारी निर्देशक चुडामणि तिमिल्सिना सहकारी संस्थामार्फत स्थानीयस्तरमे स्वरोजगार तथा रोजगार सिर्जना करना व्यवसायिक साझेदारीके कार्यक्रमसे सरल कर्जा फ्रवाह करेक लाग कोष यी कार्यक्रम सुरु करल बटैलैं ।

कार्यत्रमके बारे जानकारी करैटि उहाँक प्रदेश सरकारके आर्थिक वर्ष २०७९/०८० के बजेट वक्तव्यके बुँदा नम्बर २४५ मे सरकारके मुख्य ध्यानः घरघरमे स्वरोजगार अभियान अन्तर्गत वैदेशिक रोजगारसे आइल, द्वन्द्व प्रभावित, अपांगता रहल, घाहिल, शहिद परिवार, एकल महिला, मुक्त कमैया, कम्लहरी, हलिया, दलित, वादी, राजी, राउटे, गरिबीके रेखाटरे रहल वर्ग ओ समुदायके स्वरोजगार बने चाहल युवायुवातीहुकनहे स्वरोजगार विकास कोषमार्फत ५ सय जहनहे सीपमूलक तालिम तथा चार हजार जहनहे सहुलियत व्याजदरमे कर्जा प्रदान करना बटैलैं ।

उहाँक अनुसार थोक कर्जाके लाग सुदूरपश्चिमसे सक्कु नौ जिल्लासे एक सय ९८ ठो सहकारीसे प्रस्ताव पेश करल रहे । उमध्ये मंगरके रोज कैलालीके मालाखेती कृषि सहकारी संस्था ओ कञ्चनपुरके संकल्प कृषि सहकारीहे ८०/८० लाखके दरसे १ करोड ६० लाख कर्जा प्रवाहके लाग चेक हस्तान्तरण करल हो । उहाँ कोषसे उ सहकारीके प्रस्ताव यिहे अगहन २९ गते स्वीकृति करले रहे । कोषसे तोकल मापदण्डअनुसार मालाखेतीके ३९ जाने ओ संकल्पके ३० जाने सदस्यहुकनह उ रकम मागअनुसार कर्जा प्रवाह करना उहाँ बटैलैं ।

थोक कर्जा प्रवाहके लाग सबसे ढेर कञ्चनपुरसे ६८ ठो सहकारीके प्रस्ताव परल रहे । ओस्टेके, कैलालीसे ६५, डडेल्धुरा ओ बाजुरासे १३/१३, डोटीसे १२ दार्चुला ओ बझाङसे ८/८, बैतडीे ७ ओ अछामसे ४ सहकारीके प्रस्ताव फेश हुइल रहे ।

यी कार्यक्रमके लाग लक्षित समूहके व्यत्तिहे व्यवसाय अनुसार ३ लाख, ५ जाने वा उहिनसे ढेर अधिक सदस्य रहल सामूहिक व्यवसायहे १० लाख, स्थानीयस्तरमे कर्जा प्रवाह करुइया सहकारी संस्थाहे २० लाखसे लेके ८० लाखसम अधिकतम कर्जा सीमा रहल बा ।

प्रारम्भिक अध्ययनमे एक सय २५ ठो सहकारी संस्था तोकल मापदण्ड पूरा करले बा । कार्यकारी निर्देशक तिमिल्सिना ११ ठो सहकारीके कर्जा प्रवाह स्वीकृतिके अन्तिम चरणमे रहल जानकारी करैलैं ।

कर्जा आवेदकहुक्रे पारिवारिक विवरण पहिचान फाराम, व्यवसायके संक्षिप्त कर्जा परियोजना प्रस्ताव, कर्जाके माग फाराम, सम्बन्धित वडा कार्यालयके सिफारिसपत्र, नागरिकता प्रमाणपत्रके प्रतिलिपि, लालपुर्जा, तालिम लेहल प्रमाणपत्र वा अन्य सम्बन्धित कागजातहे विश्लेषण ओ मुल्यांकनके आधार कर्जा प्रवाह करल कोषके कार्यकारी निर्देशक तिमिल्सिना जानकारी करैलैं ।

कार्यक्रममे मन्त्रालयके उपसचिव सिद्धराज जोशीलगायत शुझकामना मन्तव्य व्यक्त करले रहैं । कार्यत्रमके सञ्चालन माधवप्रसाद जोशी करले रहैं ।

जनाअवजको टिप्पणीहरू