मानवाधिकार समूह ओ सरोकारवालाहुकन क्षमता अभिवृद्धि तालिम
पहुरा समाचारदाता
कञ्चनपुर, २३ पुस । इन्सेक सुदूरपश्चिम प्रदेश कार्यालय, धनगढीके आयोजनामे लालझाडी गाउँपालिकास्तरीय मानव अधिकार समुह ओ स्थानीय सरोकारवालाहुकनहे दुई दिने क्षमता अभिबृद्धि तालिम डेहल बा ।
लालझाडी गाउँपालिकाके अध्यक्ष निर्मल राना पालिकासे सम्पादन कैना क्रियाकलापमे निगरानी धारके स्थानीयतहसे निर्माण करल मानव अधिकारमेृ आधारित नीति तथा कार्यक्रम कार्यान्वयनके लाग मानव अधिकार समुहसे आवश्यकता अनुसार सल्लाह सुझाव डेना आवश्यक रहल बटैलै ।
लालझाँडी गाउँपालिकासे मानव अधिकार संरक्षण, सम्बर्धन ओ परिपुर्तिके लाग जातीय छुवाछुत, लैङ्गिक तथा अल्पसङ्ख्यक समुदाय, महिला हिंसा अन्त्य तथा आर्थिक, सामाजिक रुपसे पाछे पारल वर्गहे समेट्ना करके टमान ऐन कानून बनाके नीति तथा कार्यक्रम आघे बढाइल लालझाडी गाउँपालिकाके स्वास्थ्य शाखा उपप्रमुख दसरथ राना बटैलै ।
इन्सेक सुदूरपश्चिम प्रदेश संयोजक खडकराज जोशी दुई दिने तालिमसे मानव अधिकार समूह ओ सेवा प्रदायक निकाय बीच शिक्षा, स्वास्थ्य, वातावरण ओ लैङ्गिंक विभेद तथा जातीय छुवाछुतके सवाल पहिचान कैना ओ समाधान कैना सम्बन्धमे साँझा बुझाई रहल ओरसे अइना दिन ओसिन सवाल समाधानके लाग सहज हुइना बटैलै ।
दुई दिनसम सञ्चालन करलव क्षमता अविृद्धि तालिममे इन्सेकके सुदूरपश्चिम संयोजक खडकराज जोशी मानव अधिकारके अवधारणा, आर्थिक, सामाजिक ओ सास्कृतिक अधिकार तथा मानव अधिकार समुहके काम, कर्तव्य ओ अधिकार, लालझाँडी गाउँपालिकाके महिला तथा बालबालिका शाखाके मानमती भट्ट शिक्षा, स्वास्थ्य, वातावरण, लैङ्गिक विभेद विरुद्धके अधिकारके क्षेत्रमे गाउँपालिकाके नीति तथा कार्यक्रम, कार्यान्वयनके अवस्था, अधिवक्ता पुष्पविक्रम शाही स्थानीय न्यायिक समितिके काम, कर्तव्य, अधिकारके विषयमे सहजीकरण करल रहिट ।
पुस २१ ओ २२ गते सञ्चालन करल क्षमता अविृद्धि तालिममे लालझाडी गाउँपालिकास्तरीय मानव अधिकार समुहके पदाधिकारी ओ स्थानीय निकायके शाखा प्रमुख तथा प्रतिनिधि ओ स्थानीय न्यायिक समितिके पदाधिकारीहुकनके सहभागिता रहल रहे ।
